സരാഞ്ച് നഗരം പിടിച്ചെടുത്ത് താലിബാന്; അഫ്ഗാന് സര്ക്കാറിന് തിരിച്ചടി
Synopsis
രാജ്യത്തിന്റെ പല തന്ത്രപ്രധാന മേഖലകളും ഇപ്പോള് താലിബാന് നിയന്ത്രണത്തിലാണ്. സരാഞ്ച് നഗരം പിടിച്ചെടുത്തത് താലിബാന് ആഘോഷിച്ചെന്ന് റോയിട്ടേഴ്സും റിപ്പോര്ട്ട് ചെയ്തു. ഇറാനുമായി അതിര്ത്തി പങ്കിടുന്ന തന്ത്രപ്രധാന മേഖലയാണ് സരഞ്ച്.
കാബൂള്: നിമ്രുസ് പ്രവിശ്യയിലെ സരാഞ്ച് നഗരം കൂടി പിടിച്ചെടുത്തതായി താലിബാന്. അഫ്ഗാന് സര്ക്കാറില് നിന്ന് ആദ്യത്തെ പ്രവിശ്യാ തലസ്ഥാനമാണ് താലിബാന് പിടിച്ചെടുക്കുന്നത്. വിവിധ കേന്ദ്രങ്ങളെ ഉദ്ധരിച്ച് അന്താരാഷ്ട്ര മാധ്യമമായ അല് ജസീറയാണ് വാര്ത്ത റിപ്പോര്ട്ട് ചെയ്തത്. ഹെല്മന്ഡ് പ്രവിശ്യയിലെ ലഷ്കര് ഗാഹ് നഗരവും താലിബാന് പിടിച്ചെടുത്തതായും റിപ്പോര്ട്ടുകളുണ്ട്. ഡസനോളം ജില്ലകളും അതിര്ത്തികളും താലിബാന് പിടിച്ചെടുത്തിരുന്നു.
അഫ്ഗാനില് നിന്ന് യുഎസ് സൈന്യം പിന്മാറിയതോടെയാണ് രാജ്യത്ത് താലിബാന് സ്വാധീനം ശക്തമാക്കിയത്. രാജ്യത്തിന്റെ പല തന്ത്രപ്രധാന മേഖലകളും ഇപ്പോള് താലിബാന് നിയന്ത്രണത്തിലാണ്. സരാഞ്ച് നഗരം പിടിച്ചെടുത്തത് താലിബാന് ആഘോഷിച്ചെന്ന് റോയിട്ടേഴ്സും റിപ്പോര്ട്ട് ചെയ്തു. ഇറാനുമായി അതിര്ത്തി പങ്കിടുന്ന തന്ത്രപ്രധാന മേഖലയാണ് സരാഞ്ച്. അഫ്ഗാനിലെ മറ്റ് പ്രവിശ്യകളും ഉടന് നിയന്ത്രണത്തിലാകുമെന്ന് താലിബാന് വക്താക്കള് അഭിപ്രായപ്പെട്ടു.
സരാഞ്ച് ജയില് പിടിച്ചെടുത്ത് തടവുകാരെയും താലിബാന് മോചിപ്പിച്ചിരുന്നു. ഇന്റലിജന്റ്സ് ഹെര്ക്വാര്ട്ടേഴ്സിന്റെ നിയന്ത്രണവും പിടിച്ചെടുത്തതായി താലിബാന് അവകാശപ്പെട്ടു. തെളിവായി ചിത്രങ്ങളും വിഡിയോയും താലിബാന് പുറത്തുവിട്ടു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona