ഇസ്ലാം വിരുദ്ധ പ്രക്ഷോഭത്തിന് മുന്നില്‍ നിറഞ്ഞ ചിരിയുമായി തട്ടമിട്ട യുവതി; ചിത്രം വെെറല്‍

'വിശ്വാസത്തിന്‍റെ അടയാളമാണ് ദയ. ആര്‍ക്കാണ് ദയയില്ലാത്തത് അവര്‍ക്ക് വി​ശ്വാ​സ​വു​മി​ല്ല’ എന്ന പ്രവാചകവചനം അടിക്കുറിപ്പായി ചേര്‍ത്താണ് ശൈ​മ ചിത്രം പ്രസിദ്ധീകരിച്ചത്

ന്യൂ​യോ​ർ​ക്​: ഇസ്ലാം വിരുദ്ധ പ്രക്ഷോഭത്തിന് മുന്നില്‍ നിറഞ്ഞ ചിരിയുമായി നില്‍ക്കുന്ന മു​സ്​​ലിം യുവതിയുടെ ചിത്രം സാമൂഹ്യ മാധ്യമങ്ങളില്‍ തരംഗമാകുന്നു. ശൈ​മ ഇ​സ്​​മാ​യില്‍ എ​ന്ന ഇരുപത്തിനാലുകാരിയാണ് പ്രക്ഷോഭക്കാരുടെ മുന്നിലിരുന്ന ചിത്രമെടുത്ത് ട്വിറ്ററിലും ഇന്‍സ്റ്റാഗ്രാമിലും പോസ്റ്റ് ചെയ്തത്.

യുഎസില്‍ വച്ചാണ് ശൈ​മ ഇ​സ്​​മാ​യില്‍ ചിത്രമെടുത്തത്. 'വിശ്വാസത്തിന്‍റെ അടയാളമാണ് ദയ. ആര്‍ക്കാണ് ദയയില്ലാത്തത് അവര്‍ക്ക് വി​ശ്വാ​സ​വു​മി​ല്ല’ എന്ന നബിവചനം അടിക്കുറിപ്പായി ചേര്‍ത്താണ് ശൈ​മ ചിത്രം പ്രസിദ്ധീകരിച്ചത്. വാ​ഷിംഗ്ടണില്‍ നടന്ന  ഇ​സ്​​ലാ​മി​ക്​ കോ​ൺ​ഫ​റ​ൻ​സി​ൽ പങ്കെടുക്കാനാണ്  ശൈ​മ യുഎസില്‍ എത്തിയത്.

കോണ്‍ഫറന്‍സില്‍ പങ്കെടുത്ത് മടങ്ങുന്നതിനിടെയാണ് ഇസ്ലാം വിരുദ്ധ പ്ലക്കാര്‍ഡുകളുമായി പ്രതിഷേധിക്കുന്നവരെ ശൈ​മ കാണുന്നത്. തുടര്‍ന്ന് അവര്‍ക്ക് മുന്നിലിരുന്ന നിറഞ്ഞ ചിരിയുമായി ചിത്രമെടുക്കുകയായിരുന്നു.

മ​ത​ഭ്രാ​ന്തി​ന്‍റെ​ കാ​ല​ത്ത്​ സ്നേഹം പരക്കട്ടെയെന്നുള്ള സന്ദേശമാണ് തനിക്ക് നല്‍കാനുള്ളതെന്ന് ഒരു പ്രാദേശിക മാധ്യമത്തിന് നല്‍കിയ അഭിമുഖത്തില്‍ പിന്നീട് ശൈ​മ പറഞ്ഞു. ഒരു മു​സ്​​ലി​മാ​യി ജീവിക്കുന്നതില്‍ താന്‍ സന്തോഷവതിയാണെന്നും തന്‍റെ സന്തോഷം അവരെ അറിയിക്കാനാണ് അങ്ങനെ ഒരു ചിത്രമെടുത്തതെന്നും  ശൈ​മ കൂട്ടിച്ചേര്‍ത്തു.