ലോട്ടറി വിൽപ്പനക്കാരൻ ക്ഷേത്രക്കുളത്തിൽ മുങ്ങി മരിച്ചു

പൊലീസും ഫയർഫോഴ്സും സ്ഥലത്തെത്തി രാധാകൃഷ്ണനെ ആശുപത്രിയിൽ എത്തിച്ചപ്പോഴേക്കും മരണം സംഭവിച്ചിരുന്നു. 

ഹരിപ്പാട്: ക്ഷേത്ര കുളത്തിൽ കുളിക്കാനിറങ്ങിയ ലോട്ടറി വിൽപ്പനക്കാരൻ  മുങ്ങിമരിച്ചു. കുമാരപുരം എരിക്കാവ് പൊത്തപ്പള്ളി മോനിഷാ ഭവനത്തിൽ രാധാകൃഷ്ണൻ (56) ആണ്  മരിച്ചത്. ഇന്നലെ വൈകുന്നേരം നാലരയോടെ ഹരിപ്പാട് സുബ്രഹ്മണ്യസ്വാമി ക്ഷേത്രക്കുളത്തിൽ കുളിക്കാൻ ഇറങ്ങിയപ്പോഴാണ് അപകടം നടന്നത്. പൊലീസും ഫയർഫോഴ്സും സ്ഥലത്തെത്തി രാധാകൃഷ്ണനെ ആശുപത്രിയിൽ എത്തിച്ചപ്പോഴേക്കും മരണം സംഭവിച്ചിരുന്നു.