കളമശ്ശേരി സ്ഫോടനം: പ്രത്യേക അന്വേഷണ സംഘത്തിൽ എഡിജിപി ഉൾപ്പെടെ 21 അംഗങ്ങൾ
Synopsis
ക്രമസമാധാനച്ചുമതലയുള്ള എഡിജിപി എം ആര് അജിത് കുമാര് ആണ് സംഘത്തലവന്.
കൊച്ചി: കളമശ്ശേരിയില് ഞായറാഴ്ച ഉണ്ടായ സ്ഫോടനം അന്വേഷിക്കുന്നതിന് പ്രത്യേക അന്വേഷണസംഘത്തിന് രൂപം നല്കിയതായി സംസ്ഥാന പോലീസ് മേധാവി ഡോ. ഷെയ്ഖ് ദര്വേഷ് സാഹിബ്. ക്രമസമാധാനച്ചുമതലയുള്ള എഡിജിപി എം ആര് അജിത് കുമാര് ആണ് സംഘത്തലവന്.
21 അംഗ പ്രത്യേക അന്വേഷണ സംഘത്തില് കൊച്ചി സിറ്റി പോലീസ് കമ്മീഷണര് എ.അക്ബര്, ഭീകരവിരുദ്ധ സ്ക്വാഡ് ഡി.ഐ.ജി പുട്ട വിമലാദിത്യ, കൊച്ചി സിറ്റി പോലീസ് ഡെപ്യൂട്ടി കമ്മീഷണര് എസ്. ശശിധരന്, തൃക്കാക്കര അസിസ്റ്റന്റ് കമ്മീഷണര് പി.വി ബേബി, എറണാകുളം ടൗണ് അസിസ്റ്റന്റ് കമ്മീഷണര് രാജ് കുമാര്.പി, കളമശ്ശേരി പോലീസ് സ്റ്റേഷന് ഇന്സ്പെക്ടര് വിപിന് ദാസ്, കണ്ണമാലി പോലീസ് സ്റ്റേഷന് ഇന്സ്പെക്ടര് രാജേഷ്, കുറുപ്പുംപടി പോലീസ് സ്റ്റേഷന് ഇന്സ്പെക്ടര് ഫിറോസ്, ഭീകരവിരുദ്ധ സ്ക്വാഡ് ഇന്സ്പെക്ടര് ബിജു ജോണ് ലൂക്കോസ് എന്നിവരും മറ്റ് 11 പോലീസ് ഉദ്യോഗസ്ഥരും പ്രത്യേക സംഘത്തിൽ അംഗങ്ങളാണ്.
കൊച്ചി സിറ്റി പോലീസ് ഡെപ്യൂട്ടി കമ്മീഷണർ എസ് ശശിധരനാണ് അന്വേഷണ ഉദ്യോഗസ്ഥൻ. കളമശ്ശേരിയിലേത് ദൗര്ഭാഗ്യകരമായ സംഭവമാണെന്നും പ്രത്യേക പൊലീസ് സംഘം അന്വേഷിക്കുമെന്നും മുഖ്യമന്ത്രി പിണറായി വിജയന് വാര്ത്താസമ്മേളനത്തില് വ്യക്തമാക്കിയിരുന്നു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam