1939 വാക്സിന് കേന്ദ്രങ്ങള്; സംസ്ഥാനത്ത് ഇന്ന് 6.44 ലക്ഷം പേര്ക്ക് വാക്സിന് നല്കി
Synopsis
വാക്സിനേഷന് എടുക്കേണ്ട ജനസംഖ്യയുടെ 78.83 ശതമാനം പേര്ക്ക് ഒരു ഡോസ് വാക്സിനും 30.64 ശതമാനം പേര്ക്ക് രണ്ട് ഡോസ് വാക്സിനും നല്കി.
തിരുവനന്തപുരം: സംസ്ഥാനത്ത് ഇന്ന് 6,44,030 പേര്ക്ക് വാക്സിന് നല്കിയതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. 1939 വാക്സിന് കേന്ദ്രങ്ങളാണ് ഇന്നുണ്ടായിരുന്നത്. അതില് 1555 സര്ക്കാര് കേന്ദ്രങ്ങളും 384 സ്വകാര്യ കേന്ദ്രങ്ങളുമാണ് ഉണ്ടായിരുന്നത്. ഇതിന് മുമ്പ് നാല് ദിവസം 5 ലക്ഷത്തിലധികം പേര്ക്ക് വാക്സിന് നല്കാനായി. ജൂലൈ 30ന് 5,15,244 ആഗസ്റ്റ് 13ന് 5,60,515, ആഗസ്റ്റ് 14ന് 5,28,321, സെപ്റ്റംബര് ഏഴിന് 7,78,626 എന്നിങ്ങനെയാണ് നേരത്തെ 5 ലക്ഷത്തിന് മുകളില് വാക്സിന് നല്കിയത്.
ഇതുവരെ ആകെ ഒന്നും രണ്ടും ഡോസ് ഉള്പ്പെടെ 3,14,17,773 ഡോസ് വാക്സിനാണ് നല്കിയത്. അതില് 2,26,24,309 പേര്ക്ക് ഒന്നാം ഡോസ് വാക്സിനും 87,93,464 പേര്ക്ക് രണ്ടാം ഡോസ് വാക്സിനുമാണ് നല്കിയത്. ഇതോടെ വാക്സിനേഷന് എടുക്കേണ്ട ജനസംഖ്യയുടെ 78.83 ശതമാനം പേര്ക്ക് ഒരു ഡോസ് വാക്സിനും 30.64 ശതമാനം പേര്ക്ക് രണ്ട് ഡോസ് വാക്സിനും നല്കി. 2021ലെ എസ്റ്റിമേറ്റ് ജനസംഖ്യ പ്രകാരം 63.91 ശതമാനം പേര്ക്ക് ആദ്യ ഡോസ് വാക്സിനും 24.84 ശതമാനം പേര്ക്ക് രണ്ടാം ഡോസും നല്കി.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam