ഷാജൻ സ്കറിയയെ ആക്രമിച്ച കേസിലെ 4 പ്രതികള്‍ക്ക് ജാമ്യം അനുവദിച്ച് കോടതി

മറുനാടൻ മലയാളി ഓണ്‍ലൈൻ ഉടമ ഷാജൻ സ്കറിയയെ ആക്രമിച്ച കേസിൽ 4 പ്രതികള്‍ക്ക് ജാമ്യം.

ഇടുക്കി: മറുനാടൻ മലയാളി എഡിറ്റർ ഷാജൻ സ്കറിയയെ ആക്രമിച്ച കേസിൽ നാലു പ്രതികൾക്കും ജാമ്യം കിട്ടി. തൊടുപുഴ പൊലീസ് ബംഗലൂരുവിൽ നിന്ന് പിടികൂടിയ മാത്യൂസ് കൊല്ലപ്പള്ളി, ടോണി, ഷിയാസ്, അക്ബർ എന്നിവർക്കാണ് തൊടുപുഴ ജുഡീഷ്യൽ മജിസ്ട്രേറ്റ് ജാമ്യം അനുവദിച്ചത്. നാലുപേർക്കുമെതിരെ വധശ്രമം , അന്യായമായി തടഞ്ഞുവയ്ക്കൽ, മർദ്ദനം തുടങ്ങിയ വകുപ്പുകളായിരുന്നു തൊടുപുഴ പൊലീസ് ചുമത്തിയിരുന്നത്. എന്നാൽ ആശുപത്രി രേഖകൾ പ്രകാരം ഗുരുതരമായ പരിക്കില്ലെന്നും വധശ്രമം നിലനിൽക്കില്ലെന്നും പ്രതി ഭാഗം അഭിഭാഷകൻ വാദിച്ചു . ഇതെ തുടർന്നാണ് കോടതി നാലുപേർക്കും ജാമ്യം അനുവദിച്ചത്. ശനിയാഴ്ച രാത്രിയായിരുന്നു തൊടുപുഴ മങ്ങാട്ടുകവലയിൽ വച്ച് ഷാജൻ സ്കറിയയെ പ്രതികൾ തടഞ്ഞുവച്ച് മർദ്ദിച്ച് പരിക്കേൽപ്പിച്ചത്.