ഭിന്നശേഷി സംവരണം: അധ്യാപക നിയമന അംഗീകാരം എൻഎസ്എസ് സ്‌കൂളുകൾക്ക് മാത്രം പരിമിതപ്പെടുത്തിയതിൽ പ്രതിഷേധം

ഭിന്നശേഷി സംവരണം നടപ്പാക്കുന്ന മുറയ്ക്ക് എയ്ഡഡ് സ്കൂളിലെ അധ്യാപക നിയമനത്തിന് അംഗീകാരം നൽകാനുള്ള സർക്കാർ തീരുമാനം എല്ലാ സ്‌കൂളുകൾക്കും ബാധകമാക്കണമെന്ന് ആവശ്യം

തിരുവനന്തപുരം: ഭിന്നശേഷി സംവരണം നടപ്പാക്കുന്ന മുറയ്ക്ക് എയ്ഡഡ് സ്കൂളിലെ അധ്യാപക നിയമനത്തിന് അംഗീകാരം നൽകാനുള്ള സർക്കാർ തീരുമാനം എൻഎസ്എസ് സ്കൂളുകൾക്ക് മാത്രം പരിമിതിപ്പെടുത്തിയ നടപടിക്കെതിരെ പ്രതിഷേധം. ആനുകൂല്യം എല്ലാവർക്കും ബാധകമാക്കണമെന്ന് കേരള എയ്ഡഡ് മാനേജേർസ് അസോസിയേൻ ആവശ്യപ്പെട്ടു. സർക്കാർ തിരുത്തിയില്ലെങ്കിൽ അടുത്ത വർഷത്തേക്കുള്ള സ്കൂൾ ഫിറ്റ് നസ് നടപടികൾ അടക്കം നിർത്തിവെച്ച് സമരം തുടങ്ങുമെന്നാണ് അസോസിയേഷൻ മുന്നറിയിപ്പ് .എൻഎസ്എസിൻറെ ഹർജിയിൽ അടുത്തിടെയായിരുന്നു നിയമന അംഗീകാരം നൽകാനുള്ള സുപ്രീം കോടതി. പതിനായിരത്തിലധികം അധ്യാപകർക്ക് നിയമന അംഗീകാരം കിട്ടാതിരിക്കെ  സർക്കാർ ഇരട്ടത്താപ്പ് കാട്ടുന്നുവെന്നാണ് അസോസിയേഷൻ പരാതി.