ലിറ്ററിന് 1000 രൂപയ്ക്ക് ചില്ലറ വില്‍പ്പന, ആദിവാസി ഉന്നതികൾ കേന്ദ്രീകരിച്ച് ചാരായ വിൽപ്പന നടത്തിയ പ്രതി പിടിയിൽ

വിൽപ്പനക്കായി കൊണ്ടു പോകുകയായിരുന്ന ഒന്നര ലിറ്റർ ചാരായവുമായാണ് ഇയാൾ പിടിയിലായത്

തൃശൂര്‍: അതിരപ്പിള്ളി ആദിവാസി ഉന്നതികൾ കേന്ദ്രീകരിച്ച് ചാരായ വിൽപ്പന. വെറ്റിലപ്പാറ സ്വദേശി വിനീഷ് (44) ആണ് അറസ്റ്റിലായത്. ചാലക്കുടി റെയ്ഞ്ച് എക്സൈസ് ഇൻസ്പെക്ടർ സി യു ഹരീഷിന്‍റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. വിൽപ്പനക്കായി കൊണ്ടു പോകുകയായിരുന്ന ഒന്നര ലിറ്റർ ചാരായവുമായാണ് ഇയാൾ പിടിയിലായത്. ലിറ്ററിന് 1000 രൂപക്കാണ് ഇയാൾ ചാരായം ചില്ലറ വിൽപ്പന നടത്തിയിരുന്നത്. പ്രതിയെ റിമാൻഡ് ചെയ്തു.