എന്താകണം കേരളത്തിന്‍റെ ഭാവി, ഏഷ്യാനെറ്റ് ന്യൂസ് തുടക്കമിടുന്നു അ​ഗോര 2026, ലോ​ഗോ മുഖ്യമന്ത്രി പ്രകാശനം ചെയ്തു

Published : Oct 07, 2026, 08:05 AM ISTUpdated : Oct 07, 2026, 11:33 AM IST
Agora

Synopsis

മലയാളിയുടെ ഭാവി സങ്കൽപ്പങ്ങൾ ചർച്ച ചെയ്യാൻ ഏഷ്യാനെറ്റ് ന്യൂസ് 'അ​ഗോര 2026' എന്ന ബൃഹത്തായ ആശയ സംവാദ വേദിക്ക് തുടക്കമിടുന്നു. നവംബര്‍ 27 മുതൽ 29 വരെ തിരുവനന്തപുരത്ത് നടക്കുന്ന പരിപാടിയുടെ ലോഗോ മുഖ്യമന്ത്രി വി.ഡി സതീശൻ പ്രകാശനം ചെയ്തു. നോബേൽ ജേതാക്കളടക്കം 200 അന്താരാഷ്ട്ര വിദഗ്ധര്‍ പങ്കെടുക്കുന്ന അഗോരയിൽ 150 സംവാദങ്ങൾ നടക്കും.

തിരുവനന്തപുരം: കഴിഞ്ഞ മൂന്ന് പതിറ്റാണ്ടായി മലയാളിയുടെ സമസ്ത മേഖലയെയും തൊട്ടറിഞ്ഞ് അവർക്ക് വെളിച്ചമായി തുടരുന്ന ഏഷ്യാനെറ്റ് ന്യൂസ് വലിയ ചുവടുവെപ്പിന് തുടക്കമിടുന്നു. കേരളം ഇന്നോളം കണ്ടിട്ടുള്ളതിൽ ഏറ്റവും ബൃഹത്തായ ആശയ സംവാദ വേദിയാകാൻ ഒരുങ്ങുകയാണ് അ​ഗോര-2026. തലസ്ഥാനത്ത് നവംബര്‍ 27 മുതൽ 29 വരെ നടക്കുന്ന അഗോരയുടെ ലോഗോ മുഖ്യമന്ത്രി വി.ഡി സതീശൻ പ്രകാശനം ചെയ്തു. അതിവേഗം വളരുന്ന ലോകത്തിൽ ആഗോളസമൂഹമായ മലയാളിയുടെ നവലോക സങ്കൽപ്പം എന്താകണമെന്നാണ് പ്രധാന ലക്ഷ്യം. കേരളം ഇന്നോളം കണ്ടിട്ടുള്ളതിൽ ഏറ്റവും ബൃഹത്തായ ആശയ സംവാദ വേദിയാണ് അ​ഗോര.

ആശയങ്ങളുടെയും കണ്ടെത്തലുകളുടെയും ഉത്സവമാണ് അ​ഗോര. സമസ്ത മേഖലയെയും സ്പർശിക്കുന്ന അഗോരയിൽ 150 സംവാദങ്ങൾ നടക്കും. നോബേൽ ജേതാക്കളും ബുക്കർ സമ്മാന വിജയികളുമടക്കം 200 അന്താരാഷ്ട്ര വിദഗ്ധര്‍ പങ്കെടുക്കും. പുരാതന ഗ്രീസിലെ ആശയ സംവാദ വേദികളുടെ പേരാണ് അ​ഗോര എന്നത്. ആളുകൾ കൂടിയിരുന്ന് ചൂടേറിയ ചർച്ചകൾ നടത്തിയിരുന്ന പൊതു ഇടങ്ങളാണ് അഗോര. ജനാധിപത്യത്തിന്റെ ആദ്യരൂപം.

എന്താണ് അഗോറ 2026

നവലോകം ഏറ്റവുമധികം ശ്രദ്ധയോടെ കാണുന്നത് ആശയങ്ങളെയാണ്. ഡിസ്റപ്ഷന്‍ എന്ന വാക്ക് നമ്മുടെ നിത്യ ജീവിതത്തിൽ പരിചിതമായിക്കഴിഞ്ഞിട്ട് തന്നെ വർഷങ്ങളായല്ലോ? നിർമിത ബുദ്ധിയുടെ കടിഞ്ഞാണില്ലാത്ത പ്രയാണവും ആഗോളതാപനം ജീവജാലങ്ങളുടെ നിലനിൽപിന് ഉയർത്തുന്ന വെല്ലുവിളിയുമൊക്കെ നമ്മെ അലട്ടുന്ന കാലമാണ്. ഇതിനെയൊക്കെ ഒക്കെ മറികടന്നു ഭാവി ജീവിതം സുരക്ഷിതവും അനായാസവുമാക്കുകയെന്നതാണ്, ഈ കലുഷിതമായ കാലത്ത് ജീവിക്കുന്ന നമ്മുടെ മുന്നിലുള്ള വെല്ലുവിളി. അടുത്ത 50 വർഷം നമ്മുടെ ജീവിതം എങ്ങനെ മുന്നോട്ടുപോകണം, ഇക്കാലയളവിൽ നമ്മുടെ നാടിൻറെ വികസനത്തിനായുള്ള ബ്ലൂ പ്രിന്റ് എങ്ങനെയാവണം തുടങ്ങിയ ചോദ്യങ്ങൾക്ക് കൂട്ടായ ചർച്ചയിലൂടെ ഒരു അടിത്തറ ഒരുക്കുകയാണ് അഗോരയുടെ ലക്ഷ്യം.

അഗോര എന്ന പേരിൽ ഏഷ്യാനെറ്റ് ന്യൂസ് ഒരുക്കുന്ന സംവാദ വേദി ആശയങ്ങളുടെയും കണ്ടെത്തലുകളുടെയും ഉത്സവമാണ്. നവംബർ 27 മുതൽ 29 വരെ തിരുവനന്തപുരം കനകക്കുന്ന് പാലസിൽ നടക്കുന്ന അഗോര 26 ൽ ശാസ്ത്രം, സാങ്കേതിക വിദ്യ, ആരോഗ്യം, വിദ്യാഭ്യാസം, കാലാവസ്ഥ വ്യതിയാനം, സാഹിത്യം, നിർമിത ബുദ്ധി, സ്പോർട്സ്, ക്രീയേറ്റീവ് ഇക്കോണമി തുടങ്ങി 18 മേഖലകളിലെ ഭാവിയുടെ ആശയങ്ങൾ ചർച്ച ചെയ്യുകയാണ്. നോബൽ സമ്മാന ജേതാക്കളും ബുക്കർ സമ്മാന വിജയികളും ഉൾപ്പെടെ 200 വിദഗ്ധർ തങ്ങളുടെ മേഖലകളിലെ ഭാവിയുടെ ആശയങ്ങൾ ചർച്ച ചെയ്യും. കോളജ് വിദ്യാർത്ഥികൾക്കായി റൂറൽ ഇന്നോവേഷൻ ഹാക്കത്തോൺ, എ ഐ ഫോർ ഓൾ എന്ന എ ഐ സാക്ഷരതാ പരിപാടി തുടങ്ങിയ പദ്ധതികളും ഇതിനൊപ്പം നടക്കുകയാണ്.

32 വർഷമായി മലയാളിയുടെ ജീവിതത്തിൽ നിരന്തരം ഇടപെട്ടകൊണ്ടിരിക്കുന്ന വാർത്താ ചാനലാണ് ഏഷ്യാനെറ്റ് ന്യൂസ്. എട്ട് ഭാഷകളിലായി ശക്തമായ ഡിജിറ്റൽ സാന്നിധ്യവും ഏഷ്യാനെറ്റ് ന്യൂസിനുണ്ട്. കേരളത്തിന്റെയും ഇന്ത്യയുടേയും ഭാവിക്കായി ഞങ്ങൾ ഏറ്റെടുക്കുന്ന ഈ പുതിയ ഉദ്യമത്തിന് എല്ലാവിധ പിന്തുണയും നൽകി, എന്നത്തേയും പോലെ ഞങ്ങൾക്കൊപ്പം തുടരണമെന്ന് അഭ്യർത്ഥിക്കുന്നു.

അഗോരയുമായി ബന്ധപ്പെട്ട എല്ലാ വിവരങ്ങളും https://agora.asianetnews.in എന്ന വെബ്‌സൈറ്റിൽ ലഭ്യമാണ്.

PREV

കേരളത്തിലെ എല്ലാ വാർത്തകൾ Kerala News അറിയാൻ  എപ്പോഴും ഏഷ്യാനെറ്റ് ന്യൂസ് വാർത്തകൾ.  Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

Read more Articles on
click me!

Recommended Stories

പമ്പയിൽ വസ്ത്രങ്ങൾ ഉപേക്ഷിച്ചാൽ പിഴ, കർശന നിരോധനം മറികടന്നാൽ പ്രോസിക്യൂഷൻ നടപടി
സുപ്രധാന നീക്കവുമായി സംസ്ഥാന സർക്കാർ; ഹൈക്കോടതിയെ സമീപിക്കുമെന്ന് മന്ത്രി കെ മുരളീധരൻ; ശബരിമലയിലെ വെർച്വൽ ക്യൂ ബുക്കിങ് വർധിപ്പിക്കാൻ ആവശ്യപ്പെടും