തിരുവനന്തപുരത്ത് നിന്ന് ഗുവാഹത്തിയിലേക്ക്, റെയില്‍ പാളത്തിലൂടെ നടന്നെത്തിയ അസം സ്വദേശി അഞ്ചാം ദിവസം പിടിയില്‍

ഇയാൾ ഒറ്റയ്ക്ക് നടന്നു പോകുന്നത് കണ്ട് നെടുമ്പാശേരിയിൽ റെയിൽ പാളത്തിനടുത്ത് നിന്നവർ ചോദ്യം ചെയ്തു അപ്പോഴാണ് അസമിലേക്ക് നടന്നു പോകുകയാണെന്നറിയിച്ചത് . 

കൊച്ചി: ലോക്ഡൗൺ നിയന്ത്രണങ്ങൾ മറികടന്ന് ഗുഹാവത്തിയിലേക്ക് നടന്നു പോകാൻ ശ്രമിച്ചയാളെ നെടുമ്പാശ്ശേരിയിൽ വച്ച് പിടികൂടി.  അസം സ്വദേശിയായ സെയ്ഫുൽ ഇസ്ലാമാണ് പിടിയിലായത്. അഞ്ച് ദിവസം മുമ്പ്തിരുവനന്തപുരത്തു നിന്നും റെയിൽ പാതയിലൂടെയാണ് ഇയാൾ നടന്നു തുടങ്ങിയത്.

ഇയാൾ ഒറ്റയ്ക്ക് നടന്നു പോകുന്നത് കണ്ട് നെടുമ്പാശേരിയിൽ റെയിൽ പാളത്തിനടുത്ത് നിന്നവർ ചോദ്യം ചെയ്തു അപ്പോഴാണ് അസമിലേക്ക് നടന്നു പോകുകയാണെന്നറിയിച്ചത് . തുടർന്ന് നെടുമ്പാശേരി പൊലീസിൽ ഇവർ വിവരം അറിയിച്ചു. പൊലീസെത്തി ഇയാളെ പിടികൂടി തൃപ്പുണിത്തുറയിലെ നിരീക്ഷണ കേന്ദ്രത്തിലാക്കി.