വിദ്യാര്ഥിനിക്ക് അശ്ലീല സന്ദേശമയച്ചു; അസി പ്രൊഫസറെ ജോലിയില് നിന്ന് പുറത്താക്കി
Synopsis
ഇംഗ്ലീഷ് വകുപ്പിലെ അസി. പ്രൊഫസര് ഡോ. ഹാരിസ് കോടമ്പുഴയെയാണ് പുറത്താക്കാന് തീരുമാനിച്ചത്. ആഭ്യന്തര സമിതി നടത്തിയ അന്വേഷണത്തിന്റെ അടിസ്ഥാനത്തിലാണ് നടപടി.
കോഴിക്കോട്: വിദ്യാര്ഥിനിക്ക് ഫോണില് അശ്ലീല സന്ദേശമയച്ചെന്ന (obscene message) പരാതിയെ തുടര്ന്ന് അസി. പ്രൊഫസററെ (Assistant Professor) പുറത്താക്കാന് കാലിക്കറ്റ് യൂണിവേഴ്സിറ്റി സിന്ഡിക്കേറ്റിന്റെ (Calicut University syndicate) തീരുമാനം. പരാതിയെ തുടര്ന്ന് ഇയാള് സസ്പെന്ഷനിലായിരുന്നു. ഇംഗ്ലീഷ് വകുപ്പിലെ അസി. പ്രൊഫസര് ഡോ. ഹാരിസ് കോടമ്പുഴയെയാണ് പുറത്താക്കാന് തീരുമാനിച്ചത്. ആഭ്യന്തര സമിതി നടത്തിയ അന്വേഷണത്തിന്റെ അടിസ്ഥാനത്തിലാണ് നടപടി. വിദ്യാര്ഥിനിയുടെ ഫോണിലേക്ക് നിരന്തരം അശ്ലീല സന്ദേശമയച്ചെന്നും ശരീരത്തില് സ്പര്ശിക്കാന് ശ്രമിച്ചെന്നുമാണ് പരാതി. ഇയാള്ക്കെതിരെ അന്വേഷണ സമിതിക്ക് മുന്നില് പേരുവെളിപ്പെടുത്താത്ത മറ്റ് പെണ്കുട്ടികളും പരാതി നല്കിയിരുന്നു. കേസില് പൊലീസ് അറസ്റ്റ് ചെയ്ത പ്രൊഫസര് ഇപ്പോള് ജാമ്യത്തിലാണ്.
ലോ കോളേജിലെ സംഘര്ഷം; എസ്എഫ്ഐ അതിക്രമണത്തിനെതിരെ ഇന്ന് കോണ്ഗ്രസിന്റെ സംസ്ഥാന വ്യാപക പ്രതിഷേധം
തിരുവനന്തപുരം: തിരുവനന്തപുരം ലോ കോളേജില് (Thiruvananthapuram Law college violence )വനിത ഉള്പ്പെടെയുള്ള കെഎസ്യു പ്രവര്ത്തകര്(KSU) ആക്രമിക്കപ്പെട്ട സംഭവത്തിൽ കോണ്ഗ്രസ് ഇന്ന് സംസ്ഥാനവ്യാപകമായി പ്രതിഷേധ പ്രകടനം നടത്തും. കെഎസ്യു യൂണിറ്റ് പ്രസിഡന്റായ സഫ്ന യാക്കൂബിനെ ഒരു വനിതയെന്ന പരിഗണന പോലും നല്കാതെ വളഞ്ഞിട്ട് മര്ദ്ദിച്ച സംഭവം കേരളത്തിന് അപമാനകരമാണ്. പ്രാകൃതരായ മനുഷ്യര്പോലും ചിന്തിക്കാത്തതാണ് എസ്എഫ്ഐ ക്രിമിനല് സംഘം ലോ കോളേജില് കാട്ടിക്കൂട്ടിയതെന്നും കോൺഗ്രസ് ശക്തമായി പ്രതിഷേധിക്കുമെന്നും കെപിസിസി ജനറല് സെക്രട്ടറി റ്റി.യു.രാധാകൃഷ്ണന് പറഞ്ഞു.
ഇടതുപക്ഷത്തിന്റെ സ്ത്രീപക്ഷ നിലപാട് ഇതാണോയെന്ന് മുഖ്യമന്ത്രി വ്യക്തമാക്കണം. കുറ്റക്കാര്ക്കെതിരെ ശക്തമായ നിയമനടപടി സ്വീകരിക്കണം. അല്ലെങ്കില് സ്ത്രീസുരക്ഷയ്ക്കും സ്വതന്ത്ര സംഘടനാപ്രവര്ത്തനത്തിനും വേണ്ടി ശക്തമായ ഇടപെടല് വേണ്ടിവരും. എഐഎസ്എഫ് വനിതാ നേതാവിനെ അക്രമിച്ച എസ്എഫ് ഐ നേതാക്കള്ക്ക് ഭരണകൂടം നല്കിയ സംരക്ഷണത്തിന്റെ ബലത്തിലാണ് മറ്റൊരു വനിതയെ അപമാനിക്കാനുള്ള ധൈര്യം ഉണ്ടായതെന്നും രാധാകൃഷ്ണന് പറഞ്ഞു.
Read More : ലോ കോളജ് സംഘര്ഷം; മദ്യപിച്ചെത്തിയ കെഎസ്യു പ്രവർത്തകർ വിദ്യാർത്ഥിനികളെ ശല്യപ്പെടുത്തിയെന്ന് എസ്എഫ്ഐ
കെഎസ്യു പ്രവര്ത്തകര്ക്കെതിരായ എസ്എഫ്ഐ വിദ്യാർത്ഥികളുടെ മര്ദ്ദനത്തെ അപലപിച്ച് രാഹുൽ ഗാന്ധിയടക്കം( Rahul gandhi) രംഗത്ത് വന്നിരുന്നു. കേരള സർക്കാർ എത്രയും വേഗം നടപടി സ്വീകരിക്കുമെന്ന് പ്രതീക്ഷിക്കുന്നതായി രാഹുൽ സോഷ്യൽ മീഡിയയിൽ കുറിച്ചു. ആക്രമണത്തിന്റെ ദൃശ്യങ്ങൾ പങ്കുവച്ചാണ് രാഹുലിന്റെ എഫ് ബി പോസ്റ്റ്.
ലോ കോളേജ് അതിക്രമത്തില് എസ് എഫ് ഐക്കെതിരെ വലിയ വിമര്ശനമാണ് ഉയരുന്നത്. ഭീകര സംഘടനകളുടെ ലിസ്റ്റിൽ ഉൾപ്പെടുത്തി എസ്എഫ്ഐയെ നിരോധിക്കണമെന്ന് ഹൈബി ഈഡൻ എംപി കഴിഞ്ഞ ദിവസം ലോക്സഭയിൽ ആവശ്യപ്പെട്ടു.നിരന്തരമായി വിദ്യാർത്ഥികളെ ക്രൂരമായി മർദ്ദിക്കുകയും അവരുടെ മൗലിക അവകാശങ്ങൾ പോലും എസ്എഫ്ഐ നിഷേധിക്കുകയാണെന്നും എംപി ലോകസഭയിൽ ഉന്നയിച്ചു.