ബിഎൽഎം കോഓപ്പറേറ്റീവ് സൊസൈറ്റി ചെയർമാൻ പ്രേംകുമാർ അറസ്‌റ്റിൽ; 5000 കോടിയുടെ തട്ടിപ്പ്; നിക്ഷേപകരുടെ പണം സ്വകാര്യ ആവശ്യത്തിന് വകമാറ്റിയെന്ന് കേസ്

നിക്ഷേപകരുടെ പണം സ്വകാര്യ ആവശ്യത്തിന് ഉപയോഗിച്ചുവെന്ന കേസിൽ ബിഎൽഎം കോ ഓപ്പറേറ്റീവ് സൊസൈറ്റി ചെയർമാൻ പ്രേംകുമാർ അറസ്‌റ്റിൽ. ചെന്നൈയിൽ നിന്നാണ് അറസ്‌റ്റ് ചെയ്തത്. ക്രൈംബ്രാഞ്ച് സംഘമാണ് അറസ്‌റ്റ് ചെയ്തത്

തിരുവനന്തപുരം: നിക്ഷേപകരുടെ പണം വകമാറ്റി സ്വകാര്യ ആവശ്യത്തിന് ഉപയോഗിച്ചെന്ന കേസിൽ ബിഎൽഎം കോഓപ്പറേറ്റീവ് സൊസൈറ്റി ചെയർമാൻ പ്രേംകുമാർ അറസ്‌റ്റിൽ. ചെന്നൈയിൽ നിന്നാണ് അറസ്‌റ്റ് ചെയ്തത്. ക്രൈംബ്രാഞ്ച് സംഘമാണ് അറസ്‌റ്റ് ചെയ്തത്. 5000 കോടി രൂപയുടെ തട്ടിപ്പാണ് നടന്നതെന്ന് ക്രൈംബ്രാഞ്ച് ഉദ്യോഗസ്ഥർ പറയുന്നു. കോഴിക്കോട് നിന്നുള്ള ക്രൈം ബ്രാഞ്ച് സാമ്പത്തിക കുറ്റാന്വേഷണ വിഭാഗമാണ് ഇയാളെ അറസ്റ്റ് ചെയ്തത്. അറസ്റ്റിന് പിന്നാലെ ശാരീര അസ്വാസ്ഥ്യം ഉണ്ടെന്ന് അറിയിച്ചതിനെ തുടർന്ന് നൊങ്കംപാക്കം സർക്കാർ ആഗുപത്രിയിലേക്ക് ഇദ്ദേഹത്തെ മാറ്റി. കേസിൽ അറസ്റ്റ് തടയണമെന്ന് ആവശ്യപ്പെട്ട് പ്രേംകുമാർ ഹൈക്കോടതിയെ സമീപിച്ചിരുന്നു. ഈ ഹർജി അടുത്ത മാസം 29 ന് കേരള ഹൈക്കോടതി പരിഗണിക്കാനിരിക്കെയാണ് അറസ്റ്റ് ഉണ്ടായത്.