​ഗിരിന​ഗറിൽ കമ്യൂണിറ്റി ഹാളിലെ സീലിം​ഗ് തകർന്നുവീണ് 4കുട്ടികള്‍ക്ക് പരിക്ക്; നൃത്തമത്സരം നടക്കുന്നതിനിടെ അപകടം

സംഭവത്തിൽ 4 കുട്ടികൾക്ക് പരിക്കേറ്റു. കുട്ടികളുടെ നൃത്തമത്സരം നടക്കുന്നതിനിടെയാണ് അപകടമുണ്ടായത്.   

കൊച്ചി: കൊച്ചി ​ഗിരിന​ഗറിൽ കമ്യൂണിറ്റി ഹാളിന്റെ സീലിം​ഗ് തകർന്നു വീണ് അപകടം. സംഭവത്തിൽ 4 കുട്ടികൾക്ക് പരിക്കേറ്റു. കുട്ടികളുടെ നൃത്തമത്സരം നടക്കുന്നതിനിടെയാണ് അപകടമുണ്ടായത്. ഒരു കുട്ടിയുടെ പരിക്ക് സാരമുള്ളതാണെന്നും മറ്റ് 3 കുട്ടികളുടെ ആരോഗ്യനില തൃപ്തികരമാണെന്നും ആശുപത്രി അധികൃതര്‍ വ്യക്തമാക്കി. വൈകിട്ട് എട്ടരയോടെ കൊച്ചി നഗരത്തൽ ശക്തമായ കാറ്റും മഴയുമുണ്ടായിരുന്നു. പ്രാദേശിക ചാനല്‍ നടത്തിയിരുന്ന നൃത്തപരിപാടിയിൽ പങ്കെടുക്കാൻ നിരവധി  സ്ഥലങ്ങളിൽ നിന്ന് കുട്ടികളെത്തിയിരുന്നു. ഇതിനിടെയാണ് ശക്തമായ കാറ്റിൽ ഹാളിന്‍റെ സീലിംഗ് തകര്‍ന്നു വീണത്. ഏകദേശം ആറടി ഉയരത്തിൽ നിന്നാണ് സീലിംഗിന്‍റെ ഭാഗം അടര്‍ന്നു വീണത്.