'അടഞ്ഞുകിടക്കുന്ന തോട്ടങ്ങള് പ്രവര്ത്തിപ്പിക്കും'; തോട്ടവിള നയത്തിന്റെ കരടിന് മന്ത്രിസഭ അംഗീകാരം നൽകി
Published : Jan 20, 2021, 08:08 PM IST
Synopsis
തൊഴിലാളികള്ക്ക് ലൈഫ് മിഷനിലൂടെ വീടുകള് നല്കും. സര്ക്കാര് നിയന്ത്രണത്തിലുള്ള തോട്ടങ്ങള് ലാഭകരമാക്കും.
തിരുവനന്തപുരം: തോട്ടവിള നയത്തിന്റെ കരടിന് മന്ത്രിസഭ അംഗീകാരം നൽകി. സംസ്ഥാനത്തെ തോട്ടം മേഖല അഭിവൃദ്ധിപ്പെടുത്താനും കൂടുതല് തൊഴിലവസരങ്ങള് സൃഷ്ടിക്കാനും ലക്ഷ്യമിടുന്നതാണ് കരട്. അടഞ്ഞുകിടക്കുന്ന തോട്ടങ്ങള് പ്രവര്ത്തിപ്പിക്കുന്നതിന് നടപടി സ്വീകരിക്കും. തോട്ടം തൊഴിലാളികള്ക്ക് മെച്ചപ്പെട്ട ചികിത്സാ സൗകര്യം ഏര്പ്പെടുത്തും.
തൊഴിലാളികള്ക്ക് ലൈഫ് മിഷനിലൂടെ വീടുകള് നല്കും. സര്ക്കാര് നിയന്ത്രണത്തിലുള്ള തോട്ടങ്ങള് ലാഭകരമാക്കും. തൊഴിലാളികളുടെ ജീവിതസാഹചര്യം മെച്ചപ്പെടുത്തുന്നതിന് കര്മപദ്ധതി നടപ്പാക്കും. തോട്ടം മേഖലയിലെ പ്രശ്നങ്ങള് പഠിക്കാന് സര്ക്കാര് നിയോഗിച്ച ജസ്റ്റിസ് കൃഷ്ണന് നായര് കമ്മീഷന്റെ ശുപാര്ശകള് കൂടി പരിഗണിച്ചാണ് തോട്ടവിള നയത്തിന് രൂപം നല്കിയത്.