കൊവിഡ് രോഗികളുടെ ടെലിഫോണ് രേഖകള് ശേഖരിക്കണം, വിവാദ ഉത്തരവുമായി പൊലീസ് മേധാവി
Synopsis
കൊവിഡ് പ്രതിരോധ പ്രവര്ത്തനം വിലയിരുത്താന് ചേര്ന്ന ഉന്നതതലയോഗത്തിന് ശേഷമാണ് ഡിജിപി ലോക്നാഥ് ബഹറ ടെലിഫോണ് രേഖകള് അഥവാ സിഡിആര് കര്ശനമായി ശേഖരിക്കണമെന്ന ഉത്തരവിറക്കിയത്.
തിരുവനന്തപുരം: കൊവിഡ് പ്രതിരോധ പ്രവര്ത്തനത്തിന്റെ ഭാഗമായി ടെലിഫോണ് രേഖകള് ശേഖരിക്കണമെന്ന പൊലീസ് മേധാവിയുടെ നിര്ദേശം വിവാദമാകുന്നു. നിയമവിരുദ്ധമായ നീക്കമാണിതെന്നും, വ്യക്തിയുടെ സ്വകാര്യതയിലേക്കുള്ള കടന്നുകയറ്റമാണെന്നും ആക്ഷേപമുയരുന്നു. കൊവിഡ് പ്രതിരോധ പ്രവര്ത്തനം വിലയിരുത്താന് ചേര്ന്ന ഉന്നതതലയോഗത്തിന് ശേഷമാണ് ഡിജിപി ലോക്നാഥ് ബഹറ ടെലിഫോണ് രേഖകള് അഥവാ സിഡിആര് കര്ശനമായി ശേഖരിക്കണമെന്ന ഉത്തരവിറക്കിയത്. ബിഎസ്എന്എലില് നിന്ന് രേഖകള് കൃത്യമായി കിട്ടുന്നുവെന്ന് ഉറപ്പാക്കാന് ഇന്റലിജന്സ് എഡിജിപിയെ ചുമതലപ്പെടുത്തി.ചില മേഖലകളില് വോഡഫോണില് നിന്ന് രേഖകള് കൃത്യമായി കിട്ടുന്നില്ലെന്ന ആക്ഷേപം ശ്രദ്ധയില്പെട്ടിട്ടുണ്ടെന്നും ഇത് പരിഹരിക്കണമെന്നും ഡിജിപിയുടെ ഉത്തരവില് നിര്ദ്ദേശിക്കുന്നു.
നിലവില് കൊവിഡ് പോസിറ്റീവായ വ്യക്തിയുടെ സമ്പര്ക്ക പട്ടിക കണ്ടെത്താന് ബുദ്ധുമുട്ടുള്ള സാഹചര്യത്തില് ആരോഗ്യ പ്രവര്ത്തകരുടെ നിര്ദ്ദേശപ്രകാരമാണ് സിഡിആര് ശേഖരിക്കുന്നത്. എന്നാല് കൊവിഡ് പ്രതിരോധത്തിന്റെ ചുമതല പൊലീസിന് നല്കിയതോടെയാണ് ടെലിഫോണ് രേഖകള് വ്യാപകമായി ശേഖരിക്കാന് നീക്കം തുടങ്ങിയത്. ഒരാള് ക്രിമിനല് കേസില് പ്രതിയാവുകയാണെങ്കില് മാത്രമാണ് സാധാരണ സിഡിആര് എടുക്കാരുള്ളത്. രോഗിയായിതന്റെ പേരില് ഒരാളുടെ ടെലിഫോണ് രേഖകള് പൊലീസ് ശേഖരിക്കുന്നത് മൗലികാവകാശലംഘനമാണെന്ന ആക്ഷേപം ശക്തമാവുകയാണ്. പല സേവന ദാതാക്കളും ടെലിഫോണ് രേഖകള് നല്കാന് മടി കാണിക്കുകയാണ്. ഈ സാഹചര്യത്തിലാണ് ഡിജിപി ലോക്നാധ് ബഹറ എല്ലാ ജില്ലകളിലേയും പൊലീസ് മേധാവികള്ക്ക് കര്ശന നിര്ദ്ദേശം നല്കിയിരിക്കുന്നത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam