തലസ്ഥാനത്തെ തീരമേഖലകളില് സമ്പൂര്ണ ലോക്ഡൗണ് നിലവില് വന്നു
Synopsis
പാല്, പച്ചക്കറി, പലചരക്ക് കടകള്, ഇറച്ചികടകള് എന്നിവയ്ക്ക് രാവിലെ ഏഴു മുതല് വൈകിട്ട് നാലുവരെ പ്രവര്ത്തിക്കാം.
തിരുവനന്തപുരം: സാമൂഹിക വ്യാപനം സ്ഥിരീകരിച്ച തലസ്ഥാനത്തെ തീരമേഖലകളില് സമ്പൂര്ണ ലോക്ഡൗണ് നിലവില് വന്നു. അഞ്ചുതെങ്ങ് മുതല് പൊഴിയൂര് വരെയുള്ള പ്രദേശങ്ങള് മൂന്ന് സോണുകളായി തിരിച്ചാണ് ലോക്ക് ഡൗണ്. തീരദേശത്ത് നിന്ന് പുറത്തിറങ്ങാനോ തീരപ്രദേശത്തേക്ക് പോകാനോ അനുവദിക്കില്ല. ദേശീയപാതയിലൂടെയുള്ള ചരക്കുനീക്കം അനുവദിക്കുമെങ്കിലും ഈ പ്രദേശങ്ങളില് വാഹനം നിര്ത്താന് പാടില്ല.
പാല്, പച്ചക്കറി, പലചരക്ക് കടകള്, ഇറച്ചികടകള് എന്നിവയ്ക്ക് രാവിലെ ഏഴു മുതല് വൈകിട്ട് നാലുവരെ പ്രവര്ത്തിക്കാം. ഓരോ കുടുംബത്തിനും അഞ്ച് കിലോ അരി, ഒരുകിലോ ധാന്യം എന്നിവ സിവില് സപ്ലൈസിന്റെ നേതൃത്വത്തില് നല്കും. പ്രദേശങ്ങളില് ഹോര്ട്ടികോര്പ്പ്, സപ്ലൈകോ, കെപ്കോ എന്നിവയുടെ മൊബൈല് വാഹനങ്ങള് എത്തിച്ച് വില്പ്പന നടത്തും. ലോക്ഡൗണ് നിയമങ്ങള് ലംഘിക്കുന്നവര്ക്കെതിരെ കര്ശന നടപടി സ്വീകരിക്കുമെന്നും കലക്ടര് അറിയിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam