കോണ്ടൂര്‍ കനാല്‍ പ്രവര്‍ത്തനക്ഷമമാക്കണം; തമിഴ്‍നാടിന് കേരളത്തിന്‍റെ കത്ത്

കോണ്ടൂര്‍ കനാല്‍ തകര്‍ന്നതിനാല്‍ ചാലക്കുടി പുഴയിലേക്ക് കൂടുതല്‍ വെള്ളം എത്തുകയാണ്.

ചാലക്കുടി: കേടുപാടുകള്‍ തീര്‍ത്ത് തമിഴ്‍നാട്ടിലെ കോണ്ടൂര്‍ കനാല്‍ അടിയന്തരമായി പ്രവര്‍ത്തനക്ഷമമാക്കണമെന്ന് ആവശ്യപ്പെട്ട് സംസ്ഥാന സര്‍ക്കാര്‍ തമിഴ്നാടിന് കത്തയച്ചു. കോണ്ടൂര്‍ കനാല്‍ തകര്‍ന്നതിനാല്‍ ചാലക്കുടി പുഴയിലേക്ക് കൂടുതല്‍ വെള്ളം എത്തുകയാണ്.

 പ്രളയം മൂലം നിറഞ്ഞുകവിയുന്ന ചാലകുടി പുഴയിലെ ജലനിരപ്പ് ക്രമാതീതമായി ഉയരുന്നതിനും നാശനഷ്ടങ്ങള്‍ക്കും ഇത് ഇടയാക്കുകയാണ്. എത്രയും പെട്ടെന്ന് കോണ്ടൂര്‍ കനാലിന്‍റെ അറ്റകുറ്റപണി നടത്തണമെന്നാണ് തമിഴ്‍നാട് പൊതുമരാമത്ത് സെക്രട്ടറിക്ക് അയച്ച കത്തിലെ ആവശ്യം.