മന്ത്രിമാരുടെ എതിർപ്പിൽ പ്രതിസന്ധി, മന്ത്രിസഭ യോഗത്തിന് മുമ്പ് സമവായത്തിന് തിരക്കിട്ട നീക്കം; ഗുരുവായൂർ ദേവസ്വം നിയമനത്തിൽ വിവാദം

Published : Nov 18, 2026, 08:38 AM IST
udf government

Synopsis

ഗുരുവായൂർ ദേവസ്വം ബോർഡ് നിയമനവുമായി ബന്ധപ്പെട്ട് യുഡിഎഫിൽ തർക്കം രൂക്ഷമാകുന്നു. പട്ടികയിലെ പേരുകൾ മാറ്റാനാകില്ലെന്ന് ദേവസ്വം വകുപ്പ് വ്യക്തമാക്കുമ്പോൾ, മുഖ്യമന്ത്രി ഏകപക്ഷീയമായി തീരുമാനമെടുക്കുന്നുവെന്നാണ് മന്ത്രിമാരുടെ പരാതി.

തൃശൂർ: ഗുരുവായൂർ ദേവസ്വം നിയമന വിവാദത്തിൽ മന്ത്രിസഭ യോഗത്തിന് മുമ്പ് സമവായത്തിന് തിരക്കിട്ട നീക്കം. പട്ടികയിലെ പേരുകൾ മാറ്റാനാവില്ല എന്ന് ദേവസ്വം വകുപ്പ് പറയുന്നു. മന്ത്രിസഭ യോഗത്തിൽ വിഷയം വരാൻ സാധ്യത കുറവാണ്. ഗുരുവായൂർ ദേവസ്വം ബോർഡ് പട്ടികയാണ് യുഡിഎഫിൽ കലഹത്തിന് കാരണമായത്. മുഖ്യമന്ത്രി ഏകപക്ഷീയമായി തീരുമാനം എടുക്കുന്നു എന്നാണ് മന്ത്രിമാരുടെ പരാതി. എന്നാല്‍, ദേവസ്വം മന്ത്രിയുടെ ഓഫീസിൽ നിന്നാണ് പട്ടിക തയാറാക്കിയതെന്നാണ് മുഖ്യമന്ത്രിയുടെ ഓഫീസ് പറയുന്നത്.

വി ഡി സതീശനെ പിന്തുണച്ചാണ് ദേവസ്വം മന്ത്രി കെ മുരളീധരൻ പ്രതികരിച്ചത്. തന്നോട് ആലോചിച്ചാണ് തീരുമാനം എടുത്തതെന്ന് ദേവസ്വം മന്ത്രി വിശദീകരിക്കുന്നു. എന്നാല്‍, കൂടിയാലോചന ഇല്ലാതെയാണ് പേരുകൾ മുഖ്യമന്ത്രിയുടെ ഓഫീസ് തീരുമാനിക്കുന്നതെന്നാണ് മന്ത്രിമാരുടെ പരാതി. ജനറൽ വിഭാഗത്തിൽ രണ്ടും ജീവനക്കാരുടെ പ്രതിനിധിയായി ഒരാളുടെയും ഒഴിവാണ്‌ നിലവിലുള്ളത്‌. ഇതിൽ കോൺഗ്രസ്‌ നേതാക്കളായ സി വി ബാലചന്ദ്രൻ, ശിവൻ പാലിയത്ത്‌ എന്നിവരെ ജനറൽ വിഭാഗത്തിലും പി അഭിലാഷിനെ ജീവനക്കാരുടെ പ്രതിനിധിയായുമാണ്‌ മുഖ്യമന്ത്രി പട്ടിക തയ്യാറാക്കിയതെന്നാണ്‌ വിവരം.

എൽഡിഎഫ്‌ സർക്കാരിന്റെ കാലത്ത്‌ നിയമിതനായ എ വി ഗോപിനാഥാണ്‌ ഗുരുവായൂർ ദേവസ്വം ബോർഡിന്‍റെ നിലവിലെ ചെയർമാൻ. ചെയർമാന്‌ ഒരു വർഷത്തിലേറെ കാലാവധി ബാക്കിയുണ്ട്‌. രുവായൂർ ദേവസ്വം ബോർഡ്‌ നിയമപ്രകാരം മന്ത്രിസഭയിലെ ഹിന്ദു അംഗങ്ങളാണ്‌ ദേവസ്വം ബോർഡ്‌ അംഗങ്ങളെ നിശ്‌ചയിക്കേണ്ടത്‌. മുഖ്യമന്ത്രിയടക്കം ഒമ്പത്‌ ഹിന്ദുക്കളാണ്‌ മന്ത്രിസഭയിലുള്ളത്‌. ഇതുസംബന്ധിച്ച ഫയലിൽ ആകെ ഒപ്പിട്ടത്‌ പട്ടികവിഭാഗ ക്ഷേമ മന്ത്രി കെ എ തുളസി മാത്രമാണ്‌.

PREV

കേരളത്തിലെ എല്ലാ വാർത്തകൾ Kerala News അറിയാൻ  എപ്പോഴും ഏഷ്യാനെറ്റ് ന്യൂസ് വാർത്തകൾ.  Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

BB
About the Author

Bibin Babu

2018 മുതല്‍ ഏഷ്യാനെറ്റ് ന്യൂസ് ഓണ്‍ലൈനില്‍ പ്രവര്‍ത്തിക്കുന്നു. നിലവില്‍ ചീഫ് സബ് എഡിറ്റർ. ജേണലിസത്തില്‍ ബിരുദവും പോസ്റ്റ് ഗ്രാജുവേറ്റ് ഡിപ്ലോമയും നേടി. കേരള, ദേശീയ, അന്താരാഷ്ട്ര വാര്‍ത്തകള്‍, സ്പോര്‍ട്സ് തുടങ്ങിയ വിഷയങ്ങളില്‍ എഴുതുന്നു. ഒമ്പത് വര്‍ഷത്തെ മാധ്യമപ്രവര്‍ത്തന കാലയളവില്‍ നിരവധി ഗ്രൗണ്ട് റിപ്പോര്‍ട്ടുകള്‍, ന്യൂസ് സ്റ്റോറികള്‍, ഫീച്ചറുകള്‍, അഭിമുഖങ്ങള്‍, ലേഖനങ്ങള്‍ തുടങ്ങിയവ പ്രസിദ്ധീകരിച്ചു. അണ്ടര്‍ 17 ഫിഫ ലോകകപ്പ്, ഐപിഎൽ, ഐഎസ്എൽ, നിരവധി അത്ലറ്റിക് മീറ്റുകൾ തുടങ്ങിയ റിപ്പോര്‍ട്ട് ചെയ്തിട്ടുണ്ട്. പ്രിന്‍റ്, ഡിജിറ്റല്‍ മീഡിയകളില്‍ പ്രവര്‍ത്തനപരിചയം. ഇ മെയില്‍: bibin@asianetnews.inRead More...
Read more Articles on
click me!

Recommended Stories

ആറ് മാസം പിന്നിട്ട് സതീശൻ സർക്കാർ; പ്രിയദർശിനിയും ഓപ്പറേഷൻ തൂഫാനും നേട്ടം, കൂട്ടുത്തരവാദിത്തം തലവേദന
ആശുപത്രിക്കെതിരെ വ്യാജ വാർത്ത, പിൻവലിക്കാൻ ഡോക്ടറിൽ നിന്ന് ഡിസിസി അംഗം 10 ലക്ഷം വാങ്ങുന്ന ദൃശ്യങ്ങൾ പുറത്ത്