Bibin Babu

തേങ്ങയുടെ വില കുതിച്ചുയർന്നതോടെ മോഷണം വർധിച്ചതിനാൽ കർഷകർ കാവലിരിക്കുന്നു. കുറ്റ്യാടിയിലെ തോട്ടമുടമകൾ കർഷക സേന രൂപീകരിച്ച് സിസിടിവി സ്ഥാപിച്ചും പ്രതിഷേധിച്ചും മോഷണത്തെ ചെറുക്കുന്നു. 

സിപിഎമ്മിന്റെ നേതൃത്വത്തിൽ സംസ്ഥാനത്ത് വീടില്ലാത്തവർക്ക് വീട് നിർമ്മിച്ച് നൽകുന്ന പദ്ധതി പുരോഗമിക്കുന്നു. 2019ലെ തൃശൂർ സമ്മേളനത്തിൽ പ്രഖ്യാപിച്ച പദ്ധതി പ്രകാരം 1947 വീടുകൾ ഇതിനോടകം പൂർത്തീകരിച്ചു. 

പാമ്പുകളെ പിടിച്ച് സുരക്ഷിതമായി കാട്ടിലേക്ക് വിട്ട് ഒരു ദശാബ്‍ദത്തോളം സേവനം ചെയ്ത ദീപക് മഹാബർ എന്നയാൾക്ക് പാമ്പ് കടിയേറ്റു മരിച്ചു. 

പാലക്കാട് മരണമടഞ്ഞയാളുടെ മകന് പ്രാഥമിക പരിശോധനയില്‍ നിപ സംശയിച്ചതിനെ തുടര്‍ന്ന് റൂട്ട് മാപ്പ് തയ്യാറാക്കി പ്രതിരോധ പ്രവര്‍ത്തനങ്ങള്‍ ശക്തമാക്കി. 723 പേര്‍ നിപ സമ്പര്‍ക്കപ്പട്ടികയില്‍ ഉണ്ട്.

ഇൻസ്റ്റഗ്രാമിൽ അശ്ലീല വീഡിയോകൾ പ്രചരിപ്പിച്ച് പണം സമ്പാദിച്ച നാല് പേരെ പൊലീസ് അറസ്റ്റ് ചെയ്തു. മെഹക്, പാരി എന്നിവർക്കൊപ്പം സഹായികളായ ഹിന, സർറാർ ആലം എന്നിവരെയും അറസ്റ്റ് ചെയ്തു.