ഇതര സംസ്ഥാനങ്ങളിൽ നിന്ന് വന്നവർക്ക് സർക്കാർ കേന്ദ്രങ്ങളിൽ ക്വാറന്റീൻ നിർബന്ധമില്ല, ഉത്തരവിറക്കി
Synopsis
പരിശോധനാ സമയത്ത് രോഗലക്ഷണങ്ങള് പ്രകടിപ്പിക്കാത്തവരെ 14 ദിവസത്തേയ്ക്ക് ഹോം ക്വാറന്റൈനില് അയക്കും.
തിരുവനന്തപുരം: സംസ്ഥാനത്തെ ഹോം ക്വാറന്ർറീൻ മാർഗനിര്ദ്ദേശങ്ങൾ പുതുക്കി ഉത്തരവിറങ്ങി. ഇതരസംസ്ഥാനങ്ങളില് നിന്ന് സംസ്ഥാനത്തേക്ക് വരുന്ന എല്ലാവര്ക്കും വൈദ്യപരിശോധന നടത്തും. പരിശോധനാ സമയത്ത് രോഗലക്ഷണങ്ങള് പ്രകടിപ്പിക്കാത്തവരെ 14 ദിവസത്തേയ്ക്ക് ഹോം ക്വാറന്റൈനില് അയക്കും. പിന്നീട് രോഗലക്ഷണം പ്രകടിപ്പിക്കുകയാണെങ്കില് ആര്.റ്റി.പി.സി.ആര് പരിശോധന നടത്തും. ഇതര സംസ്ഥാനത്തുനിന്നും മടങ്ങിവരുന്ന എല്ലാവരെയും വൈദ്യ പരിശോധനയ്ക്ക് വിധേയമാക്കേണ്ടതാണ്. അതേ സമയം രോഗലക്ഷണമുള്ളവരെ തുടര് പരിശോധനകള്ക്കും ചികിത്സയ്ക്കുമായി കൊവിഡ് ആശുപത്രിയില് പ്രവേശിപ്പിക്കണമെന്നുമാണ് പുതിയ ഉത്തരവില് വ്യക്തമാക്കുന്നത്.
പരിമിതമായ സൗകര്യങ്ങളുള്ള ഇന്സ്റ്റിറ്റിയൂഷണല് ക്വാറന്റൈന് കേന്ദ്രങ്ങള് രോഗ വ്യാപനത്തിന് വഴിവച്ചേക്കാമെന്നും അതിനേക്കാള് മെച്ചം കേരളത്തില് ആദ്യ രണ്ട് ഘട്ടങ്ങളില് വളരെ ഫലപ്രദമായി നടപ്പാക്കിയ ഹോം ക്വാറന്റൈന് സംവിധാനം കര്ശനമായ മേല്നോട്ടത്തില് നടത്തുന്നതാണെന്ന് എക്സ്പേര്ട്ട് കമ്മിറ്റി ശുപാര്ശ ചെയ്തതായി മന്ത്രി കെകെ ഷൈലജടീച്ചര് വാര്ത്താക്കുറിപ്പില് വ്യക്തമാക്കി. ഇതിന്റെ അടിസ്ഥാനത്തിലാണ് പുതിയ നിര്ദ്ദേശം.
ലോക്ക്ഡൗൺ നീട്ടണമെന്ന് 4 സംസ്ഥാനങ്ങൾ; അന്തിമ തീരുമാനം നാളത്തെ യോഗശേഷം.
ഇന്ത്യയ്ക്കകത്ത് നിന്ന് വരുന്ന എല്ലാവര്ക്കും 14 ദിവസത്തെ ഹോം ക്വാറന്റൈന് കര്ശനമായി നടപ്പാക്കേണ്ടതാണ്. എന്നാല് അതേസമയം ഇങ്ങനെ എത്തുന്ന വ്യക്തികളുടെ വീട്ടില് ഹോം ക്വാറന്റൈന് നിബന്ധനകള് പാലിക്കാന് കഴിയാത്ത സാഹചര്യമുണ്ടെങ്കില് അവര്ക്ക് സര്ക്കാര് നിശ്ചയിച്ചിട്ടുള്ള ഹോട്ടലുകളില് പെയിഡ് ക്വാറന്റൈന് സൗകര്യമോ, സര്ക്കാര് ഏര്പ്പെടുത്തുന്ന ഇന്സ്റ്റിറ്റിയൂഷണല് ക്വാറന്റൈന് സൗകര്യമോ സ്വീകരിക്കാവുന്നതാണെന്നും മന്ത്രി വ്യക്തമാക്കി.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam