ഇടുക്കിയിൽ എംപിയും എംഎൽഎയും നഗരസഭാ അധികൃതരും പങ്കെടുത്ത ചടങ്ങിൽ കൊവിഡ് പ്രോട്ടോക്കോളിന് പുല്ലുവില

ഡൊമിസിലിയറി കെയർ സെന്ററിന്റെ ഉദ്ഘാടനത്തിൽ പങ്കെടുത്തത് നൂറിലധികം പേർ

ഇടുക്കി: കോവിഡ് മാനദണ്ഡങ്ങൾ ലംഘിച്ച് കട്ടപ്പന നഗരസഭയിലെ ഡോമിസിലറി സെന്ററിന്റെ ഉദ്ഘാടനം. നൂറിലേറെ പേരാണ് കട്ടപ്പനയിലെ പരിപാടിയിൽ പങ്കെടുത്തത്. ഇതിന്റെ മുൻനിരയിൽ ഇടുക്കി എംപി ഡീൻ കുര്യാക്കോസും ഇടുക്കി എംഎൽഎ റോഷി അഗസ്റ്റിനും ഉണ്ടായിരുന്നു. ഇവർക്ക് പുറമെ നഗരസഭ അംഗങ്ങളും ഡിസിസിയുടെ ഉദ്ഘാടന ചടങ്ങിൽ പങ്കെടുത്തു. കട്ടപ്പനയിൽ കോവിഡ് രോഗികളുടെ എണ്ണം കുത്തനെ ഉയരുന്നതിനിടെയാണ് ജനപ്രതിനിധികൾ അടക്കമുള്ളവരുടെ ഭാഗത്തു നിന്ന് ഈ വീഴ്ച ഉണ്ടായത്. 

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona