കടപ്പുറം, കുഴൂർ, ഒരുമനയൂർ,വെങ്കിടങ്ങ്, കണ്ടാണശേരി, കൈപ്പറമ്പ് പഞ്ചായത്തുകളിലാണ് നിരോധനാജ്ഞ. കോർപറേഷൻ പരിധിയിലെ ഒല്ലൂരിലും നിരോധനാജ്ഞയാണ്.
തൃശൂർ: തൃശൂർ ജില്ലയിൽ ആറ് പഞ്ചായത്തുകളിൽ നിരോധനാജ്ഞ. കടപ്പുറം, കുഴൂർ, ഒരുമനയൂർ, വെങ്കിടങ്ങ്, കണ്ടാണശേരി, കൈപ്പറമ്പ് എന്നീ പഞ്ചായത്തുകളിലാണ് നിരോധനാജ്ഞ ഏർപ്പെടുത്തിയിരിക്കുന്നത്. കോർപറേഷൻ പരിധിയിലെ ഒല്ലൂരിലും നിരോധനാജ്ഞയാണ്. കൊവിഡ് രോഗവ്യാപനം രൂക്ഷമായ സാഹചര്യത്തിലാണിത്. നാളെ മുതൽ അടുത്ത ഞായറാഴ്ച്ച വരെ ജില്ലാ കളക്ടർ 144 പ്രഖ്യാപിച്ചത്.
ജില്ലയിൽ ഇന്ന് 1780 പേര്ക്ക് കൂടി കൊവിഡ് സ്ഥിരീകരിച്ചു. 1747 പേര്ക്കും സമ്പര്ക്കം വഴിയാണ് രോഗം ബാധിച്ചത്. സംസ്ഥാനത്തിന് പുറത്തുനിന്ന് എത്തിയ 24 പേര്ക്കും 3 ആരോഗ്യ പ്രവര്ത്തകര്ക്കും ഉറവിടം അറിയാത്ത 6 പേര്ക്കും രോഗബാധ ഉണ്ടായിട്ടുണ്ട്. അതേസമയം, 428 പേര് രോഗമുക്തരായി. ഇതോടെ രോഗബാധിതരായി ചികിത്സയിൽ കഴിയുന്നവരുടെ എണ്ണം 6858 ആയി. തൃശ്ശൂര് സ്വദേശികളായ 90 പേര് മറ്റു ജില്ലകളിൽ ചികിത്സയിൽ കഴിയുന്നുണ്ട്. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,13,401 ആണ്. 1,05,895 പേര് ആകെ രോഗമുക്തരായി.