സ‍ര്‍ക്കാരിൻ്റെ ഒന്നാം വാര്‍ഷികം സിപിഎം ഹൈജാക്ക് ചെയ്യുന്നു; പരാതിയുമായി സിപിഐ

സിൽവര്‍ പദ്ധതി വേണമെങ്കിലും ജനങ്ങളെ വിശ്വാസത്തിലെടുത്ത് പദ്ധതി നടപ്പാക്കണമെന്നാണ് യോഗത്തിൽ ഉയർന്ന അഭിപ്രായം. 

തിരുവനന്തപും: രണ്ടാം പിണറായി സ‍ര്‍ക്കാരിൻ്റെ ഒന്നാം വാ‍ര്‍ഷികം സിപിഐ ഹൈജാക്ക് ചെയ്യുന്നുവെന്ന് സിപിഐയിൽ പരാതി (CPI against CPI for hijacking first anniversary celebrations). സര്‍ക്കാരിൻ്റെ രണ്ടാം വാര്‍ഷികം സിപിഎം പരിപാടിയായി മാറിയെന്നും സിപിഐയെ മാറ്റി നി‍ര്‍ത്തുകയാണെന്നും സിപിഐ സംസ്ഥാന കൗണ്‍സിലിൽ വിമര്‍ശനം ഉയര്‍ന്നു. നേരത്തെ സിൽവ‍ര്‍ ലൈൻ പദ്ധതിക്കെതിരെ പ്രതിഷേധിച്ചവരെ കഴക്കൂട്ടം കരിച്ചാറയിൽ പൊലീസ് ബൂട്ടിട്ട് ചവിട്ടിയതിനെതിരെയും സിപിഐ നേതൃയോഗത്തിൽ വിമ‍ര്‍ശനം ഉയര്‍ന്നിരുന്നു. സംഭവം സർക്കാറിന് ചീത്തപ്പേര് ഉണ്ടാക്കിയെന്നും പാർട്ടി സംസ്ഥാന എക്സിക്യൂട്ടീവിൽ വിമർശനം ഉയർന്നു. ഇങ്ങിനെയാണോ പൊലീസ് ജനങ്ങളെ കൈകാര്യം ചെയ്യുന്നതെന്നായിരുന്നു അംഗങ്ങളുടെ ചോദ്യം. സിൽവര്‍ പദ്ധതി വേണമെങ്കിലും ജനങ്ങളെ വിശ്വാസത്തിലെടുത്ത് പദ്ധതി നടപ്പാക്കണമെന്നാണ് യോഗത്തിൽ ഉയർന്ന അഭിപ്രായം.