പന്തീരങ്കാവ് UAPA കേസില് ജാഗ്രതക്കുറവുണ്ടായി; പൊലീസിന് വഴങ്ങിയെന്ന് CPM കോഴിക്കോട് സൗത്ത് ഏരിയ സമ്മേളനം
Synopsis
പന്തീരാങ്കാവ് യു എ പി എ കേസിലെ പ്രതികളായ അലൻ ഷുഹൈബും ത്വാഹ ഫസലും നേരത്തെ സൗത്ത് ഏരിയ കമ്മിറ്റിക്ക് കീഴിലെ ബ്രാഞ്ചുകളിലായിരുന്നു. ഇവർക്കെതിരെ യു എ പി എ ചുമത്തിയത് സർക്കാരിനെതിരെ വ്യാപക വിമർശനം അന്നേ ഉയർന്നിരുന്നു
കോഴിക്കോട്: പന്തീരങ്കാവ് യു എ പി എ കേസില് (pantheerankav uapa case)ജാഗ്രതക്കുറവുണ്ടായി എന്ന് വിമർശനം. സി പി എം കോഴിക്കോട് സൗത്ത് ഏരിയ (cpm kozhikkod south area)സമ്മേളനത്തിലാണ് സർക്കാരിനെതിരെ വിമർശനവുമുയർന്നത്. പാർട്ടി അംഗങ്ങൾക്കെതിരെ യു എ പി എ(uapa) ചുമത്തിയത് ജാഗ്രതക്കുറവാണെന്നായിരുന്നു വിമർശനം.
പൊലീസിന് വഴങ്ങി കാര്യങ്ങൾ തീരുമാനിച്ചത് ശരിയായില്ലെന്നും വിമർശനമുയർന്നു. യു എ പി എ സംബന്ധിച്ച് പാർട്ടിയുടെ നിലപാട് എന്താണെന്നും പ്രതിനിധികൾ ചോദിച്ചു.
പന്തീരാങ്കാവ് യു എ പി എ കേസിലെ പ്രതികളായ അലൻ ഷുഹൈബും ത്വാഹ ഫസലും നേരത്തെ സൗത്ത് ഏരിയ കമ്മിറ്റിക്ക് കീഴിലെ ബ്രാഞ്ചുകളിലായിരുന്നു. ഇവർക്കെതിരെ യു എ പി എ ചുമത്തിയത് സർക്കാരിനെതിരെ വ്യാപക വിമർശനം അന്നേ ഉയർന്നിരുന്നു
യു എ പി എ ചുമത്തി അറസ്റ്റിലായിരുന്ന ത്വാഹയ്ക്ക് കഴിഞ്ഞ മാസം 28ന് ആണ് സുപ്രീം കോടതി ജാമ്യം അനുവദിച്ചത്.
അലൻ ഷുഹൈബിന്റെ ജാമ്യം റദ്ദാക്കണമെന്ന എൻ ഐ എ ആവശ്യവും സുപ്രീംകോടതി അന്ന് തള്ളിയിരുന്നു . ഇരുവര്ക്കുമെതിരെ ശക്തമായ തെളിവുകൾ ഇല്ലെന്ന എൻ ഐ എ കോടതി ഉത്തരവ് സുപ്രീംകോടതി ശരിവെക്കുകയായിരുന്നു
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam