സിപിഎം ലോക്കൽ സെക്രട്ടറിയെ വെട്ടിക്കൊലപ്പെടുത്തി; സംഭവം കോഴിക്കോട് കൊയിലാണ്ടിയിൽ

വെട്ടേറ്റ സത്യനാഥനെ കൊയിലാണ്ടി താലൂക്ക് ആശുപത്രിയിൽ എത്തിച്ചപ്പോഴേക്കും മരിച്ചിരുന്നു.   

കോഴിക്കോട്: കോഴിക്കോട് കൊയിലാണ്ടിയിൽ സിപിഎം ലോക്കൽ സെക്രട്ടറിയെ വെട്ടിക്കൊലപ്പെടുത്തി. കൊയിലാണ്ടി ടൗൺ സെൻട്രൽ ലോക്കൽ കമ്മിറ്റി സെക്രട്ടറി പി വി സത്യനാഥൻ ആണ് കൊല്ലപ്പെട്ടത്. കൊയിലാണ്ടി പെരുവട്ടൂർ ചെറിയപുറം ക്ഷേത്ര ഉത്സവം നടക്കുന്നതിനിടെ ആണ് കൊലപാതകം നടന്നത്. വെട്ടേറ്റ സത്യനാഥനെ കൊയിലാണ്ടി താലൂക്ക് ആശുപത്രിയിൽ എത്തിച്ചപ്പോഴേക്കും മരിച്ചിരുന്നു. ശരീരത്തില്‍ മഴു കൊണ്ടുള്ള 4ല്‍ അധികം വെട്ടേറ്റിട്ടുണ്ടെന്ന് റിപ്പോര്‍ട്ട്  പുറത്തുവരുന്നുണ്ട്.

സംഭവത്തെക്കുറിച്ച് പൊലീസ് അന്വേഷണം ആരംഭിച്ചിട്ടുണ്ട്. സംഭവത്തിൽ ഒരാൾ പൊലീസിന്റെ കസ്റ്റ‍ിയിലായിട്ടുണ്ടെന്നാണ് സൂചന പുറത്തുവരുന്നത്. കുത്തേറ്റെന്ന വിവരമാണ് ആദ്യം പുറത്തുവന്നത്. പിന്നീടാണ് ശരീരത്തിൽ നാലിലധികം വെട്ടേറ്റതായി വിവരം പുറത്തുവരുന്നത്. കഴുത്തിനേറ്റ മുറിവാണ് മരണകാരണമെന്നാണ് വിവരം. കൊയിലാണ്ടിയില്‍ നാളെ ഹര്‍ത്താല്‍ പ്രഖ്യാപിച്ചിരിക്കുകയാണ്. 

സിപിഎം ലോക്കൽ സെക്രട്ടറി കുത്തേറ്റ് മരിച്ചു