ജില്ലാ പഞ്ചായത്ത് പ്രസിഡന്റ് സ്ഥാനം; ആദ്യ ടേം ജോസ് കെ മാണി വിഭാഗത്തിന്

ആദ്യ ടേമിൽ ജോസ് കെ മാണി വിഭാഗത്തിലെ സെബാസ്റ്റ്യൻ കുളത്തിങ്കൽ പ്രസിഡന്റ് ആയി ചുമതലയേൽക്കും. രണ്ടാം ടേമിൽ ജോസഫ് വിഭാഗത്തിന്റെ സ്ഥാനാർത്ഥി പ്രസിഡന്റ് സ്ഥാനം വഹിക്കാനും ധാരണയായി.  

കോട്ടയം: ജില്ലാ പഞ്ചായത്ത് പ്രസിഡന്റ് സ്ഥാനം പങ്കിടാൻ കേരള കോൺ​ഗ്രസിലെ ​ജോസ് കെ മാണി- ജോസഫ് വിഭാ​ഗങ്ങൾ തമ്മിൽ ധാരണ. ആദ്യ ടേമിൽ ജോസ് കെ മാണി വിഭാഗത്തിലെ സെബാസ്റ്റ്യൻ കുളത്തിങ്കൽ പ്രസിഡന്റ് ആയി ചുമതലയേൽക്കും. രണ്ടാം ടേമിൽ ജോസഫ് വിഭാഗത്തിന്റെ സ്ഥാനാർത്ഥി പ്രസിഡന്റ് സ്ഥാനം വഹിക്കാനും ധാരണയായി.

കഴിഞ്ഞ ദിവസം ഇരുവിഭാഗങ്ങളും രണ്ടു സ്ഥാനാർഥികളെ പ്രഖ്യാപിച്ചതോടെ കേരള കോൺ​ഗ്രസ് പ്രതിസന്ധിയിലായിരുന്നു. തുടർന്ന് ജോസ് കെ മാണി- ജോസഫ് വിഭാ​ഗങ്ങള്‍ തമ്മിലുള്ള തർക്കം പരിഹരിക്കുന്നതിന് കോ​ൺ​ഗ്രസ് നേതാക്കളുടെ നേതൃത്വത്തിൽ ഇന്ന് പുലർച്ച വരെ ചർച്ചകൾ നടന്നിരുന്നു. ഇതിന് പിന്നാലെ ജില്ലാ പഞ്ചായത്ത് പ്രസിഡന്റ് സ്ഥാനം പങ്കിടാൻ ഇരുവിഭാ​ഗങ്ങളും തമ്മിൽ ധാരണയാകുകയായിരുന്നു.