സംസ്ഥാന സർക്കാർ ഔദ്യോഗിക യാത്രയയപ്പ് നൽകി, ചീഫ് സെക്രട്ടറി പദവിയിൽ നിന്നും ജയതിലക് വിരമിച്ചു; ബിശ്വനാഥ് സിൻഹ ചുമതലയേറ്റു

സംസ്ഥാന ചീഫ് സെക്രട്ടറി പദവിയിൽ നിന്നും ഡോ. എ ജയതിലക് വിരമിക്കുകയും ബിശ്വനാഥ് സിൻഹ പുതിയ ചീഫ് സെക്രട്ടറിയായി ചുമതലയേൽക്കുകയും ചെയ്തു. അഡീഷണൽ ചീഫ് സെക്രട്ടറി രാജൻ ഖൊബ്രഡേയും സർവ്വീസിൽ നിന്നും വിരമിച്ചു

തിരുവനന്തപുരം: സംസ്ഥാന ചീഫ് സെക്രട്ടറി പദവിയിൽ നിന്നും ഡോ. എ ജയതിലക് വിരമിച്ചു. ബിശ്വനാഥ് സിൻഹ പുതിയ ചീഫ് സെക്രട്ടറിയായി ചുമതലയേറ്റു. ദർഹാർ ഹാളിൽ നടന്ന ചടങ്ങിൽ ചീഫ് സെക്രട്ടറിക്ക് സർക്കാർ യാത്ര അയപ്പ് നൽകി. മുഖ്യമന്ത്രി വി ഡി സതീശനും വ്യവസായ മന്ത്രി കുഞ്ഞാലികുട്ടിയുമടക്കമുള്ളവർ പങ്കെടുത്തു. അഡീഷണൽ ചീഫ് സെക്രട്ടറി രാജൻ ഖൊബ്രഡേയും സർവ്വീസിൽ നിന്നും വിരമിച്ചു. വിരമിക്കുന്നവർക്ക് സംസ്ഥാന സർക്കാരിന്‍റെ ഉപഹാരം മുഖ്യമന്ത്രി നൽകി. ആഭ്യന്തര സെക്രട്ടറി സ്ഥാനത്തുനിന്നാണ് ബിശ്വനാഥ് സിൻഹ ചീഫ് സെക്രട്ടറിയാകുന്നത്. 1992 ബാച്ചിലെ ഐ എ എസ് ഉദ്യോഗസ്ഥനാണ്. ഇനി രണ്ടു വർഷം സർവ്വീസ് ബാക്കിയുണ്ട്.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം