10ാം ക്ലാസ് സെന്റ് ഓഫ് കളറാക്കാൻ ലഹരി പാർട്ടി; സ്കൂളിൽ വെച്ച് കഞ്ചാവ് ഉപയോഗിച്ചു, നടുക്കുന്ന സംഭവം കാസർകോട്
Synopsis
പത്താം ക്ലാസ് സെന്റ് ഓഫ് പാര്ട്ടി ആഘോഷമാക്കാൻ ലഹരി പാര്ട്ടി നടത്തി വിദ്യാര്ത്ഥികള്. സ്കൂളിൽ വെച്ച് വിദ്യാര്ത്ഥികള് കഞ്ചാവ് ഉപയോഗിക്കുകയായിരുന്നു. വിദ്യാര്ത്ഥികള്ക്ക് കഞ്ചാവ് നൽകിയ പ്രതിയെ പൊലീസ് പിടികൂടി.
കാസര്കോട്: പത്താം ക്ലാസ് സെന്റ് ഓഫ് പാര്ട്ടി ആഘോഷമാക്കാൻ ലഹരി പാര്ട്ടി നടത്തി വിദ്യാര്ത്ഥികള്. സ്കൂളിൽ വെച്ച് വിദ്യാര്ത്ഥികള് കഞ്ചാവ് ഉപയോഗിച്ചാണ് സെന്റ് ഓഫ് പാര്ട്ടി ആഘോഷിച്ചത്. സ്കൂളിൽ കഞ്ചാവ് ലഹരി പാര്ട്ടി നടക്കുന്നുണ്ടെന്ന രഹസ്യവിവരത്തെ തുടര്ന്ന് കാസര്കോട് പൊലീസ് സ്ഥലത്തെത്തി വിദ്യാര്ത്ഥികളിൽ നിന്ന് കഞ്ചാവ് പിടിച്ചെടുക്കുകയായിരുന്നു.
തുടര്ന്ന് സ്കൂള് വിദ്യാര്ത്ഥികള്ക്കെതിരെ സോഷ്യല് ബാക്ക് ഗ്രൗണ്ട് റിപ്പോര്ട്ട് പൊലീസ് തയ്യാറാക്കി. വിദ്യാര്ത്ഥികള്ക്ക് കഞ്ചാവ് വില്പ്പന നടത്തിയ കളനാട് സ്വദേശി കെ.കെ സമീറിനെ പൊലീസ് അറസ്റ്റ് ചെയ്തു. ഞെട്ടിക്കുന്ന സംഭവമാണ് കാസര്കോട് നിന്നും പുറത്തുവന്നത്.
കാസര്കോട് പൊലീസ് സ്റ്റേഷൻ പരിധിയിലെ സ്കൂളിലാണ് സംഭവം.
സ്കൂളിന്റെ പേരുവിവരങ്ങളടക്കമുള്ള വിശദാംശങ്ങള് പൊലീസ് പുറത്തുവിട്ടിട്ടില്ല. പത്തോളം കുട്ടികള് കഞ്ചാവ് ഉപയോഗിച്ചതായാണ് പൊലീസിന്റെ കണ്ടെത്തൽ. കുട്ടികളുടെ കയ്യിൽ നിന്ന് കഞ്ചാവ് പൊലീസ് പിടിച്ചെടുക്കുകയും ചെയ്തു. തുടര്ന്നാണ് കഞ്ചാവ് നൽകിയത് ആരാണെന്ന് കുട്ടികള് വെളിപ്പെടുത്തിയത്. പൊലീസ് അന്വേഷണത്തിലാണ് കളനാട് സ്വദേശി കെകെ സമീറിനെ പിടികൂടിയത്. സമീറിനെ പിടികൂടാൻ പോയപ്പോള് പൊലീസുകാര്ക്കുനേരെയും ആക്രമണം ഉണ്ടായി. കഞ്ചാവ് കേസിന് പുറമെ പൊലീസിനെ ആക്രമിച്ചതിനും കേസെടുത്തിട്ടുണ്ട്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam