ട്രെയിനിൽ മദ്യവുമായി കയറി പരാക്രമം; 37കാരനെ കസ്റ്റഡിയിലെടുത്ത് പൊലീസ്, സംഭവം പാലരുവി എക്സ്പ്രസിൽ

പാലരുവി എക്സ്പ്രസ് ട്രെയിനിൽ മദ്യപിച്ച് യുവാവിന്റെ പരാക്രമം. 37 വയസുകാരനായ ജോജി ജോർജാണ് പരാക്രമം നടത്തിയത്. ട്രെയിൻ കോട്ടയം റെയിൽവേ സ്റ്റേഷനിലെത്തിയപ്പോൾ ആർപിഎഫ് എത്തി ജോജിയെ കസ്റ്റഡിയിലെടുത്തു.

കോട്ടയം: പാലരുവി എക്സ്പ്രസ് ട്രെയിനിൽ മദ്യപിച്ച് യുവാവിന്റെ പരാക്രമം. 37 വയസുകാരനായ ജോജി ജോർജാണ് പരാക്രമം നടത്തിയത്. രാവിലെ ട്രെയിനിൽ മദ്യവുമായി കയറിയ ജോജി പരസ്യമായി മദ്യപിക്കുകയും സ്ത്രീകളടക്കമുള്ള യാത്രക്കാരെ അസഭ്യം പറയുകയും ചെയ്തു. യാത്രക്കാർ വിവരമറിയിച്ചതിനെ തുടർന്ന് ട്രെയിൻ കോട്ടയം റെയിൽവേ സ്റ്റേഷനിലെത്തിയപ്പോൾ ആർപിഎഫ് എത്തി ജോജിയെ കസ്റ്റഡിയിലെടുത്തു. തുടർന്ന് ഇയാളെ റെയിൽവേ പൊലീസിന് കൈമാറി. പൊലീസ് സ്റ്റേഷനിലെത്തിച്ചപ്പോഴും പ്രതി അക്രമാസക്തനായിരുന്നു. പൊലീസുകാരേയും അസഭ്യം പറഞ്ഞു.