ബിജെപി സ‍ർക്കാരിന്‍റെ യുവജനവിരുദ്ധ നിലപാടുകള്‍ക്കെതിരെ സമരത്തെരുവുമായി ഡിവൈഎഫ്ഐ

തൊഴിലില്ലായ്മ രൂക്ഷമാവുന്ന സാഹചര്യത്തിൽ മോദിജി,വേര്‍ ഈസ് മൈ ജോബ് എന്ന മുദ്രാവാക്യമുയര്‍ത്തിയാണ് സമരം

തിരുവനന്തപുരം: ബിജെപി ഗവണ്‍മെന്‍റിന്‍റെ യുവജനവിരുദ്ധ നിലപാടുകള്‍ക്കെതിരെ സമരത്തെരുവ് എന്ന പേരിൽ പ്രതിഷേധ പരിപാടി സംഘടിപ്പിക്കാനൊരുങ്ങി ഡിവൈഎഫ്ഐ സംസ്ഥാന നേതൃത്വം. തൊഴിലില്ലായ്മ രൂക്ഷമാവുന്ന സാഹചര്യത്തിൽ മോദിജി,വേര്‍ ഈസ് മൈ ജോബ് എന്ന മുദ്രാവാക്യമുയര്‍ത്തിയാണ് സമരം നടത്തുക. 

മാര്‍ച്ച് 1 മുതല്‍ 15 വരെ സംസ്ഥാനത്തൊട്ടാകെ 2000 കേന്ദ്രങ്ങളിലാണ് പരിപാടി നടക്കുക.സാമൂഹിക സാംസ്കാരിക രംഗത്തെ പ്രമുഖര്‍ സമരത്തെരുവിന്‍റെ ഭാഗമാവുമെന്ന് ഡിവൈഎഫ്ഐ സംസ്ഥാനസെക്രട്ടറി എ എ റഹിം അറിയിച്ചു.