എന്‍റെ കേരളം മേള തിരുവനന്തപുരം കനകക്കുന്നിൽ മെയ് 27 വരെ

250 ഓളം പ്രദർശന വിപണന സർവ്വീസ് സ്റ്റാളുകൾ, ഫുഡ് കോർട്ടുകൾ എന്നിവ മേളയുടെ ഭാഗമാണ്.

രണ്ടാം പിണറായി വിജയൻ സർക്കാരിന്‍റെ രണ്ടാം വാർഷികാഘോഷത്തിന്‍റെ ഭാഗമായ 'എന്‍റെ കേരളം' മെഗാപ്രദർശന വിപണന ഭക്ഷ്യമേള തിരുവനന്തപുരത്ത് മെയ് 20 മുതൽ 27 വരെ നടക്കും. കനകക്കുന്നിലാണ് പരിപാടികൾ. വ്യത്യസ്തതയാർന്ന 250 ഓളം പ്രദർശന വിപണന സർവ്വീസ് സ്റ്റാളുകൾ, ഫുഡ് കോർട്ടുകൾ എന്നിവ മേളയുടെ പ്രധാന ആകർഷണങ്ങളാണ്.

പ്രധാന കലാപരിപാടികൾ - മെയ് 20 വൈകീട്ട് 7.30 മുതല്‍ എം.ജി ശ്രീകുമാർ 'മ്യൂസിക്കൽ നൈറ്റ്'. മെയ് 21 വൈകീട്ട് 7.30 മുതല്‍ ഉറുമി മ്യൂസിക് ബാൻഡ് പ്രകടനം നടത്തും. മെയ് 22 വൈകീട്ട് 6.30 മുതല്‍ റോഷിൻ ദാസ് സോളോ അൺപ്ലഗ്ഡ്, വൈകീട്ട് 7.30-ന് കനൽ ബാൻഡ്. 

മെയ് 23 വൈകീട്ട് 7.30 മുതൽ രൂപ രേവതി ഷോ - ഇന്ത്യൻ ഫ്യൂഷൻ വിത്ത് വയലിൻ. മെയ് 24 വൈകീട്ട് 6.30 മുതൽ അപർണ രാജീവ് സംഗീത പരിപാടി. വൈകീട്ട് 7.30 മുതല്‍ ഗോൾഡൻ വോയിസ് ഫ്യൂഷൻ. മെയ് 25 വൈകീട്ട് ആറിന് നാടകം - കിഡ്‌സ്, 7.30 മുതല്‍ രാജലക്ഷ്മി മ്യൂസിക്കൽ നൈറ്റ്. മെയ് 26 വൈകീട്ട് 7.30 മുതല്‍ ഭദ്ര റെജി മ്യൂസിക് ബാൻഡ്. മെയ് 27 വൈകീട്ട് 7.30 മുതൽ ഊരാളി ബാൻഡ്.