പ്രശ്നപരിഹാരത്തിന് പാഡി മാനേജരുടെ നേതൃത്വത്തിൽ കർഷകരുമായി ചർച്ച നടത്തുമെന്ന് സപ്ലൈകോ എംഡി അറിയിച്ചു. നീണ്ടൂരിൽ 13,000 ടൺ നെല്ല് കെട്ടിക്കിടക്കുകയാണ്
കോട്ടയം: നെല്ല് സംഭരിക്കാത്തതിൽ കോട്ടയത്ത് കർഷക പ്രതിഷേധം. നീണ്ടൂരിൽ നെല്ല് കത്തിച്ച് സംയുക്തകര്‍ഷക സമിതി പ്രതിഷേധിച്ചു. കർഷകർ ജില്ലാ പാഡി ഓഫീസും ഉപരോധിച്ചു. രാവിലെ നീണ്ടൂരിൽ കർഷകൻ ആത്മഹത്യയ്ക്ക് ശ്രമിച്ചിരുന്നു. അതേസമയം പ്രശ്നപരിഹാരത്തിന് പാഡി മാനേജരുടെ നേതൃത്വത്തിൽ കർഷകരുമായി ചർച്ച നടത്തുമെന്ന് സപ്ലൈകോ എംഡി അറിയിച്ചു. നീണ്ടൂരിൽ 13,000 ടൺ നെല്ല് കെട്ടിക്കിടക്കുകയാണ്.