കണ്ണൂർ റൂറൽ എസ്പിയുടെ പേരിൽ വ്യാജ ഫേസ്ബുക്ക് അക്കൌണ്ടും പണം തട്ടാൻ ശ്രമവും, പ്രതിയെ തിരിച്ചറിഞ്ഞു

ഫ്രണ്ട് റിക്വസ്റ്റ് സ്വീകരിച്ചവരോട് പണം ആവശ്യപ്പെടുകയായിരുന്നു. വ്യാജ അക്കൗണ്ട് ഉണ്ടാക്കിയ ആളെ തിരിച്ചറിഞ്ഞതായി പൊലീസ് പ്രതികരിച്ചു.   

കണ്ണൂർ: കണ്ണൂരിൽ മുതിർന്ന പൊലീസ് ഉദ്യോഗസ്ഥന്റെ പേരിൽ വ്യാജ ഫേസ്ബുക്ക് അക്കൌണ്ട് ഉണ്ടാക്കി പണം തട്ടാൻ ശ്രമം. കണ്ണൂർ റൂറൽ എസ്പി നവനീത് ശർമയുടെ പേരിലാണ് വ്യാജ ഫേസ് ബക്ക് അക്കൌണ്ട് ഉണ്ടാക്കി റിക്വസ്റ്റ് അയച്ച് സുഹൃത്തുക്കളിൽ നിന്നും പണം തട്ടാൻ ശ്രമിച്ചത്. ഫ്രണ്ട് റിക്വസ്റ്റ് സ്വീകരിച്ചവരോട് പണം ആവശ്യപ്പെടുകയായിരുന്നു. വ്യാജ അക്കൗണ്ട് ഉണ്ടാക്കിയ ആളെ തിരിച്ചറിഞ്ഞതായി പൊലീസ് പ്രതികരിച്ചു.