കേരളത്തിലേക്ക് ആംബർ​ഗ്രിസ് കടത്ത്, മുഖ്യകണ്ണിക്കായി അന്വേഷണം ആരംഭിച്ചത് ഒക്ടോബറിൽ, ഒടുവിൽ ലക്ഷദ്വീപ് സ്വദേശി പിടിയിൽ

കേരളത്തിലേക്ക് ആംബർ​ഗ്രിസ് എത്തിച്ചു നൽകുന്ന ലക്ഷദ്വീപ് സ്വദേശിയെ വനം വകുപ്പ് അറസ്റ്റ് ചെയ്തു. ഒക്ടോബർ മാസം മുതൽ ഇയാൾക്കായി വനം വകുപ്പ് അന്വേഷണം ആരംഭിച്ചിരുന്നു

കൊച്ചി: കേരളത്തിലേക്ക് ആംബർ​ഗ്രിസ് എത്തിച്ചു നൽകുന്ന മുഖ്യകണ്ണിയെ അറസ്റ്റ് ചെയ്ത് വനം വകുപ്പ്. ലക്ഷദ്വീപ് സ്വദേശി സി കെ മുഹമ്മദ് തസ്ലിം ആണ് പിടിയിലായത്. ഇയാൾ ലക്ഷദ്വീപിൽ നിന്നുമാണ് ആംബർ​ഗ്രിസ് കേരളത്തിലേക്ക് എത്തിച്ചു നൽകുന്നത്. ഒക്ടോബർ മാസം മുതൽ ഇയാൾക്കായി വനം വകുപ്പ് അന്വേഷണം ആരംഭിച്ചിരുന്നു. തുടർന്ന് മുഹമ്മദ് തസ്ലിം കലൂരിൽ എത്തിയതായി രഹസ്യ വിവരം ലഭിച്ചു. ഇതിന്റെ അടിസ്ഥാനത്തിൽ ഉദ്യോ​ഗസ്ഥർ ഇയാളെ പിടികൂടുകയായിരുന്നു.