നാട്ടിലിറങ്ങി നിരന്തരം പ്രശ്നം; ആനയെ മയക്കുവെടിവച്ച് റേഡിയോ കോളര്‍ ഘടിപ്പിച്ച് വനം വകുപ്പ്, നിരീക്ഷണം ശക്തമാക്കും

കോതമംഗലം പിണ്ടിമന, കോട്ടപ്പടി പഞ്ചായത്തുകളില്‍ നിരന്തരശല്യം സൃഷ്ടിച്ച കാട്ടാനയ്ക്ക് റേഡിയോ കോളര്‍ ഘടിപ്പിച്ച് വനം വകുപ്പ്. ഇന്ന് രാവിലെയാണ് ആനയെ മയക്കുവെടിവച്ച് റേഡിയോ കോളര്‍ ഘടിപ്പിക്കാനുളള നടപടികള്‍ തുടങ്ങിയത്.

കൊച്ചി: കോതമംഗലം പിണ്ടിമന, കോട്ടപ്പടി പഞ്ചായത്തുകളില്‍ നിരന്തരശല്യം സൃഷ്ടിച്ച കാട്ടാനയ്ക്ക് റേഡിയോ കോളര്‍ ഘടിപ്പിച്ച് വനം വകുപ്പ്. ഇന്ന് രാവിലെയാണ് ആനയെ മയക്കുവെടിവച്ച് റേഡിയോ കോളര്‍ ഘടിപ്പിക്കാനുളള നടപടികള്‍ തുടങ്ങിയത്. രണ്ട് ഡോസ് മയക്കുവെടി വച്ച് ആനയെ ബോധം കെടുത്തിയ ശേഷമാണ് റേഡിയോ കോളര്‍ ഘടിപ്പിച്ചത്. രണ്ടു ദിവസത്തിനുളളില്‍ ആനയെ ഉള്‍ക്കാട്ടിലേക്ക് കയറ്റിയ ശേഷം നിരീക്ഷണം ശക്തമാക്കുമെന്നും ഇനി ആന ജനവാസ മേഖലയിലേക്ക് ഇറങ്ങാതിരിക്കാനുളള മുന്‍കരുതല്‍ സ്വീകരിക്കുമെന്നും വനംവകുപ്പ് അറിയിച്ചു.