പ്രദേശത്തെ ചാരായ വാറ്റും മദ്യവിൽപനയും ചോദ്യം ചെയ്തതിനുള്ള വൈരാഗ്യമാണ് അക്രമത്തിന് പിന്നിലെന്ന് പൊലീസ് പറഞ്ഞു
കണ്ണൂർ: കണ്ണൂർ ചെറുപഴശ്ശിയിൽ സിപിഎം ബ്രാഞ്ച് സെക്രട്ടറിയെ വെട്ടി പരിക്കേൽപ്പിച്ച കേസിൽ നാല് പേർ അറസ്റ്റിൽ. പഴശ്ശി കിഴക്കയിൽ സുധീഷ്(40), ഇടവേലിക്കൽ സ്വദേശികളായ കെ പ്രമീഷ് (22), രോഹിത് (27), പുലിയങ്ങോട് സ്വദേശി ഇ പ്രബിൻ(26) എന്നിവരാണ് പിടിയിലായത്. പ്രദേശത്തെ ചാരായ വാറ്റും മദ്യവിൽപനയും ചോദ്യം ചെയ്തതിനുള്ള വൈരാഗ്യമാണ് അക്രമത്തിന് പിന്നിലെന്ന് പൊലീസ് പറഞ്ഞു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു. കഴിഞ്ഞ 13ന് രാത്രിയാണ് ചെറുപഴശ്ശി ബ്രാഞ്ച് സെക്രട്ടറി രാജേഷിന് വെട്ടേറ്റത്.