അടിവസ്ത്രത്തില്‍ ഒളിച്ച് കടത്താൻ ശ്രമിച്ചത് ഒരു കോടിയുടെ സ്വർണം, കരിപ്പൂർ വിമാനത്താവളത്തില്‍ യാത്രക്കാരൻ പിടിയില്‍

കരിപ്പൂര്‍ വിമാനത്താവളത്തില്‍ നിന്ന് സ്വർണം പിടികൂടി. യാത്രക്കാരൻ അടിവസ്ത്രത്തിൽ ഒളിപ്പിച്ചു കടത്താൻ ശ്രമിച്ച ഒരു കോടിയുടെ സ്വർണമാണ് കസ്റ്റംസ് പിടികൂടിയത്

മലപ്പുറം: കരിപ്പൂര്‍ വിമാനത്താവളത്തില്‍ നിന്ന് സ്വർണം പിടികൂടി. യാത്രക്കാരൻ അടിവസ്ത്രത്തിൽ ഒളിപ്പിച്ചു കടത്താൻ ശ്രമിച്ച ഒരു കോടിയുടെ സ്വർണമാണ് കസ്റ്റംസ് പിടികൂടിയത്. മലപ്പുറം നടുവട്ടം സ്വദേശി നൗഫൽ എന്ന യാത്രക്കാരനിൽ നിന്നാണ് സ്വർണം പിടികൂടിയത്. അടിവസ്ത്രത്തിൽ ഒളിപ്പിച്ച രണ്ടു പൊതികളാണ് കണ്ടെടുത്തത്. ഈ സ്വർണ മിശ്രിതത്തിൽ നിന്ന് 890.35 ഗ്രാം സ്വർണം ലഭിച്ചു. ഇതിന് വിപണിയിൽ നിലവില്‍ 1.04 കോടി രൂപ വിലവരും.