കർത്തേടം റൂറൽ സഹകരണ ബാങ്കിൽ 89ലക്ഷത്തിന്റെ സ്വർണ്ണത്തിൽ തിരിമറി, വ്യാജപണയ വിവരങ്ങൾ സൃഷ്ടിച്ച് ജീവനക്കാരൻ, ബാങ്ക് അപ്രൈസർ അറസ്റ്റിൽ

2014 മുതൽ പലരുടെയും പേരിൽ പണയ അക്കൗണ്ടുകൾ നിർമ്മിച്ചായിരുന്നു തട്ടിപ്പ്. ഇല്ലാത്ത സ്വർണത്തിന് ബാങ്ക് പണയമായി നൽകിയത് 89 ലക്ഷം രൂപയാണ്.

കൊച്ചി: എറണാകുളം കർത്തേടം റൂറൽ സഹകരണ ബാങ്കിൽ 89 ലക്ഷത്തിന്റെ സ്വർണ തിരിമറി. ബാങ്കിൽ വ്യാജ പണയ വിവരങ്ങൾ സൃഷ്ടിച്ച് ജീവനക്കാരൻ ലക്ഷങ്ങൾ തട്ടുകയായിരുന്നു. ബാങ്ക് അപ്രൈസറായ അനൂപ് ജോസഫ് അറസ്റ്റിലായി. 2014 മുതൽ പലരുടെയും പേരിൽ ഇയാൾ വ്യാജ പണയ അക്കൗണ്ടുകൾ നിർമ്മിക്കുകയായിരുന്നു. ഇല്ലാത്ത സ്വർണത്തിന് ബാങ്കിൽ നിന്ന് പണം അനുവദിച്ചു. ഓഡിറ്റിംഗ് സമയത്ത് അക്കൗണ്ടുകളിൽ സ്വർണ്ണം എത്തിച്ചായിരുന്നു പരിശോധനകളെ ഇയാൾ മറികടന്നത്. എന്നാൽ ജീവനക്കാർക്ക് ഉണ്ടായ സംശയത്തിൽ തുടർന്ന് നടത്തിയ പരിശോധനയിലാണ് വെട്ടിപ്പ് കണ്ടെത്തിയത്.