ഗോതുരുത്ത് അപകടം; കാറിന് ശരാശരിക്ക് മുകളിൽ വേഗത, അശ്രദ്ധ;കാർ പുഴയിലേക്ക് മറിയുന്നതിന് മുമ്പുള്ള ദൃശ്യം പുറത്ത്

കാറിന് ശരാശരിക്ക് മുകളിൽ വേഗതയുണ്ടെന്നും  വേഗതയേക്കാൾ അപകടമുണ്ടാക്കിയത് അശ്രദ്ധ കാരണമുള്ള ഡ്രൈവിംഗ് ആണെന്നും മോട്ടോർ വാഹന വകുപ്പ് പറയുന്നു. ഗൂഗിൾ മാപ്പ് നോക്കി സഞ്ചരിച്ച അഞ്ചംഗ സംഘമാണ് കഴിഞ്ഞ ദിവസം അപകടത്തിൽ പെട്ടത്.   

കൊച്ചി: യുവ ഡോക്ടർമാർ മരിച്ച ഗോതുരുത്ത് അപകടത്തിന് തൊട്ട് മുൻപ് ഉള്ള കാറിന്റെ സിസിടിവി ദൃശ്യങ്ങൾ പുറത്ത്. കടൽവാതുരുത്ത് പുഴയിലേക്ക് കാർ മറിയുന്നതിന് തൊട്ട് മുൻപുള്ള ദൃശ്യങ്ങളാണ് പുറത്ത് വന്നത്. കാറിന് ശരാശരിക്ക് മുകളിൽ വേഗതയുണ്ടെന്നും  വേഗതയേക്കാൾ അപകടമുണ്ടാക്കിയത് അശ്രദ്ധ കാരണമുള്ള ഡ്രൈവിംഗ് ആണെന്നും മോട്ടോർ വാഹന വകുപ്പ് പറയുന്നു. ഗൂഗിൾ മാപ്പ് നോക്കി സഞ്ചരിച്ച അഞ്ചംഗ സംഘമാണ് കഴിഞ്ഞ ദിവസം അപകടത്തിൽ പെട്ടത്. 

അപകടത്തിൽ യുവഡോക്ടർമാർ മരിച്ചിരുന്നു. കൊടുങ്ങല്ലൂർ സ്വകാര്യ ആശുപത്രിയിലെ ഡോ.അദ്വൈദ്, ഡോ. അജ്മൽ എന്നിവരാണ് മരിച്ചത്.  മെഡിക്കൽ വിദ്യാർത്ഥികളും നേഴ്സുമായിരുന്നു കാറിലുണ്ടായിരുന്ന മറ്റുള്ളവർ. ഇവരെ ആശുപത്രിയിലേക്ക് മാറ്റിയിരുന്നു. ഇവർക്ക് കാര്യമായി പരിക്കുകളുണ്ടായിരുന്നില്ല. ഒക്ടോബർ 1നായിരുന്നു രാത്രി പന്ത്രണ്ടരയോടെ നല്ല വേഗതയിൽ വന്ന കാർ കടൽവാതുരുത്ത് പുഴയിലേക്ക് മറിയുകയായിരുന്നു. കാറിലുണ്ടായിരുന്ന മെഡിക്കൽ വിദ്യാർഥിനിയായ പെൺകുട്ടിയടക്കം മൂന്നുപേരെ നാട്ടുകാർ രക്ഷപെടുത്തി. കാർ വേഗത്തിൽ വന്ന് പുഴയിലേക്ക് മറിയുകയായിരുന്നു. 

കൊച്ചിയിൽ പാർട്ടി കഴിഞ്ഞ് മടങ്ങുന്നവരാണ് അപകടത്തിൽ പെട്ടത്. കാറിൻ്റെ ഡോർ തുറന്ന് കിടക്കുകയായിരുന്നു. ഉടൻ തന്നെ നാട്ടുകാരും ഫയർഫോഴ്സും രക്ഷാപ്രവർത്തനം നടത്തിയെങ്കിലും രണ്ടുപേരെയും രക്ഷിക്കാനായില്ല. മൂന്നുപേരെ ആശുപത്രിയിലെത്തിച്ചു. ഗൂഗിൾ മാപ്പ്നോക്കിയാണ് ഇവരുടെ യാത്രയെന്ന് പൊലീസ് പറഞ്ഞിരുന്നു.  

https://www.youtube.com/watch?v=bog352NOweo

https://www.youtube.com/watch?v=Ko18SgceYX8