വിദ്വേഷ പ്രചാരണ വിവാദം: 'അനൗൺസ്മെന്റ് മുൻകൂട്ടി തയ്യാറാക്കിയത്, കേസെടുക്കാത്തത് പ്രതിഷേധാർഹം': ഫാത്തിമ തെഹ്‍ലിയ

തനിക്ക് സ്ഥാനാർത്ഥിത്വം തന്നത് ലീഗ് നേതൃത്വമാണെന്നും നൂർബിന റഷീദിൻ്റെ കാര്യത്തിൽ തീരുമാനമെടുക്കേണ്ടത് നേതൃത്വമാണെന്നും ഫാത്തിമ തെഹ്‍ലിയ പറഞ്ഞു. 

കോഴിക്കോട്: പേരാമ്പ്രയിലെ വിദ്വേഷ പ്രചാരണത്തിൽ പൊലീസ് കേസെടുക്കാത്തത് പ്രതിഷേധാർഹമെന്ന് യുഡിഎഫ് സ്ഥാനാർത്ഥി അഡ്വ. ഫാത്തിമ തെഹ്‍ലിയ. മുൻകൂട്ടി തയ്യാറാക്കിയ അനൗൺസ്മെൻ്റ് റെക്കോർഡ് ചെയ്തത് നടുവണ്ണൂരിലെ സ്റ്റുഡിയോയിൽ വച്ചാണെന്നും ഇതിന് തെളിവുണ്ടെന്നും തെഹ്‍ലിയ ഏഷ്യാനെറ്റ് ന്യൂസിനോട് പറഞ്ഞു. കാഫിർ സ്ക്രീൻഷോട്ടിനേക്കാൾ മോശമായ വർഗീയ പ്രചാരണം ജനം തള്ളിക്കളയുമെന്നും തെഹ്‍ലിയ വ്യക്തമാക്കി. തനിക്ക് സ്ഥാനാർത്ഥിത്വം തന്നത് ലീഗ് നേതൃത്വമാണെന്നും നൂർബിന റഷീദിൻ്റെ കാര്യത്തിൽ തീരുമാനമെടുക്കേണ്ടത് നേതൃത്വമാണെന്നും ഫാത്തിമ തെഹ്‍ലിയ പറഞ്ഞു.