സംസ്ഥാനത്ത് ചൊവ്വാഴ്ച കൂടുതൽ അണക്കെട്ടുകൾ തുറക്കും. രാവിലെ അഞ്ച് മണിയോടെ പമ്പ ഡാമും ആറുമണിക്ക് ഇടമലയാറും തുറക്കും. പതിനൊന്നിന് ഇടുക്കി ഡാം തുറക്കും. ഇടുക്കിയിൽ അൻപത് സെൻറിമീറ്റർ വീതം രണ്ട് ഷട്ടറുകളാണ് തുറക്കുന്നത്. സെക്കൻറിൽ ഒരു ലക്ഷം ലിറ്റർ വെള്ളമാണ് ഇടുക്കിയിൽ നിന്നും തുറന്ന് വിടുക. വെള്ളം ഒഴുകുന്ന പ്രദേശത്തുള്ളവർക്ക് ജാഗ്രതാ നിർദ്ദേശമുണ്ട്. 

ലോവർ ഷോളയാർ, പറമ്പിക്കുളം ഡാമുകൾ തുറന്നതോടെ ചാലക്കുടി പുഴയുടെ തീരത്ത് ജാഗ്രത നിർദേശം. വെള്ളം കയറാൻ സാധ്യതയുള്ളതിനാൽ  താഴ്ന്ന പ്രദേശങ്ങളിൽ താമസിക്കുന്നവരെ മാറ്റി പാർപ്പിച്ചു . ആശങ്കപ്പെടേണ്ട സാഹചര്യമില്ലെങ്കിലും ജാഗ്രത വേണമെന്ന് തൃശൂർ ജില്ല കളക്ടർ അറിയിച്ചു

തിരുവനന്തപുരം ആമഇഴഞ്ഞാൻ തോട്ടിൽ കുളിക്കുന്നതിനിടെ ഒഴുക്കിൽപ്പെട്ട കാണാതായ ഇതരസംസ്ഥാന തൊഴിലാളിടെ മൃതദേഹം കണ്ടെത്തി. ജാ‌ർഖണ്ഡ് സ്വദേശി നഗർദ്വീപ് മണ്ഡലതിൻറെ മൃതദേഹം ആക്കുളം ബോട്ട് ക്ലബിന് സമീപത്തുനിന്നും ഫയർഫോഴ്സ് ഉദ്യോഗസ്ഥർ നടത്തിയ തെരച്ചിലാണ് കണ്ടെത്തിയത്. ഞായറാഴ്ചയാണ് നഗ‍ർദ്വീപിനെ ഒഴുക്കിൽപ്പെട്ട കാണാതായത്

കാലവർഷകെടുതിയിൽ വലയുന്ന കേരളത്തിന് 1 കോടി രൂപയുടെ സാമ്പത്തിക സഹായം നൽകുമെന്ന് തമിഴ്നാട് മുഖ്യമന്ത്രി സ്റ്റാലിൻ അറിയിച്ചു. കേരള മുഖ്യമന്ത്രിയുടെ ദുരിതാശ്വാസ നിധിയിലേക്കാകും സംഭാവന നൽകുക

ഇടുക്കി ഡാം തുറക്കാൻ തീരുമാനിച്ചതോടെ 64 കുടുംബങ്ങളിലായി 222 മാറ്റിപ്പാർപ്പിക്കുമെന്ന് അധികൃതർ വ്യക്തമാക്കി. ഇടുക്കി താലൂക്കിലെ 5 വില്ലേജുകളിലുള്ള കുടുംബങ്ങളെയാണ് മാറ്റുന്നത്. ക്യാമ്പുകള്‍ തുറക്കുന്നതിനായി പ്രദേശത്തെ സ്‌കുളുകളും കെട്ടിടങ്ങളും ഏറ്റെടുത്തു. തങ്കമണി വില്ലേജില്‍ എട്ട് കുടുംബങ്ങളിലായി 21 പേർ ഉപ്പുതോടിൽ 5 കുടുംബങ്ങളിലായി 15 പേർ വാത്തിക്കുടി 4 കുടുംബം 15 പേർ കഞ്ഞിക്കുഴി 8 കുടുംബം 36  പേർ ഇടുക്കി 39 കുടുംബങ്ങളിലെ  136 പേർ എന്നിവരെയാണ് മാറ്റി പാ‍ർപ്പിക്കുക

കേരളത്തിലെ മഴക്കെടുതിയുടെ പശ്ചാത്തലത്തിൽ ദുരിതാശ്വാസ പ്രവർത്തനങ്ങൾക്കായി തമിഴ്നാട്ടിലെ ഡിഎംകെ ചാരിറ്റബിൾ സൊസൈറ്റി ഒരു കോടി രൂപ നൽകും

മഹാത്മാഗാന്ധി സർവ്വകലാശാല ഒക്ടോബർ 22, വെള്ളിയാഴ്ചവരെ നടത്താനിരുന്ന എല്ലാ പരീക്ഷകളും മാറ്റിവച്ചു.
പുതുക്കിയ തീയതി പിന്നീട്  അറിയിക്കും.

സംസ്ഥാനത്തുണ്ടായ ദുരിതപൂർണമായ മഴക്കെടുതിയുടെ പശ്ചാത്തലത്തിൽ നിയമസഭാ സമ്മേളനം പുനക്രമീകരിക്കാൻ ആലോചന. മറ്റന്നാൾ സഭ ചേരും. വ്യാഴം, വെള്ളി ദിവസങ്ങളിലെ സഭാ നടപടികൾ മാറ്റിവെച്ചേക്കും

തൃശ്ശൂർ ജില്ലയിൽ കാട്ടൂർ, കാറളം പഞ്ചായത്തുകളിലെ താഴ്ന്ന പ്രദേശങ്ങളിലെ വീടുകളിൽ വെള്ളം കയറി. കാറളം പഞ്ചായത്തിൽ രണ്ട് ദുരിതാശ്വസ ക്യാമ്പുകൾ തുടങ്ങി. പത്തോളം കുംടുംബങ്ങളെ മാറ്റിപ്പാർപ്പിച്ചു. കരുവന്നൂർ പുഴയിൽ നിന്ന് അധിക ജലം കരയിലേക്ക് എത്തിയതോടെയാണ് വീടുകളിലേക്ക് വെള്ളം കയറി തുടങ്ങിയത്. 

പമ്പ അണക്കെട്ടിന്റെ രണ്ട് ഷട്ടറുകൾ നാളെ പുലർച്ചെ അഞ്ചുമണിക്ക് ശേഷം  തുറക്കും. 25 ക്യൂമെക്സ് മുതൽ പരമാവധി 50 ക്യൂമെക്സ് വരെ വെള്ളം തുറന്നു വിടും. ജനവാസ മേഖലകളിൽ നദിയിൽ 10 സെന്റീമീറ്ററിൽ കൂടുതൽ ജലനിരപ്പ് ഉയരാത്ത തരത്തിൽ അണക്കെട്ട് തുറക്കാനാണ് തീരുമാനം

ഇടുക്കി അണക്കെട്ടിന് താഴെ പെരിയാറിൽ മീൻപിടിത്തം നിരോധിച്ചു. പുഴയ്ക്ക് സമീപം സെൽഫി, ഫേസ്ബുക്ക് ലൈവ് തുടങ്ങിയവക്കും വിലക്ക്. ഇടുക്കി അണക്കെട്ട് മേഖലയിൽ വിനോദസഞ്ചാരത്തിന് നിയന്ത്രണം ഏർപ്പെടുത്തി. വെള്ളപ്പാച്ചിൽ മേഖലകളിൽ പുഴ മുറിച്ച് കടക്കുന്നതും നിരോധിച്ചു. നാളെ രാവിലെ 11ന് ഇടുക്കി അണക്കെട്ട് തുറക്കാൻ തീരുമാനിച്ച സാഹചര്യത്തിലാണ് ജില്ലാ ഭരണകൂടത്തിന്റെ തീരുമാനം

പ്ലാപ്പള്ളിയിൽ ഉരുൾപൊട്ടൽ അപകടത്തിൽപെട്ട ഒരാളുടെ മൃതദേഹത്തിന്റെ ഭാഗങ്ങൾ കൂടി കണ്ടെത്തി. കാഞ്ഞിരപ്പള്ളി താലൂക്ക് ആശുപത്രിയിലേക്ക് മാറ്റി. 

തിരുവനന്തപുരം ആമയിഴഞ്ചാൻ തോട്ടിൽ കുളിക്കുന്നതിനിടെ കാണാതായ അതിഥി തൊഴിലാളിയുടെ മൃതദേഹം കണ്ടെത്തി. ഝാർഖണ്ഡ് സ്വദേശി നഗർ ദ്വീപ് മണ്ഡലിന്റെ മൃതദേഹമാണ് കണ്ടെത്തിയത്. ഞായറാഴ്ചയാണ് ഇയാളെ കാണാതായത്.

പാലക്കാട് ജില്ലയിൽ മഴക്കെടുതിയിൽ നെൽകൃഷി ഉൾപ്പടെ 2455.76 ഹെക്ടർ കൃഷി നശിച്ചെന്നു ജില്ല ഭരണകൂടംഅറിയിച്ചു.

മഴക്കെടുതിയിൽ സംസ്ഥാനത്ത് കെഎസ്ഇബിയുടെ 520000 കണക്ഷനുകൾ റദ്ദായി. 45000 പുനസ്ഥാപിക്കാനുണ്ട്. 15.74 കോടി രൂപയുടെ നഷ്ടമാണ് ഇപ്പോൾ കണക്കാക്കുന്നത്. യുദ്ധകാലാടിസ്ഥാനത്തിൽ കണക്ഷനുകൾ പുനസ്ഥാപിക്കാനാണ് കെഎസ്ഇബിയുടെ ശ്രമം

ഉരുള്‍പ്പൊട്ടല്‍ ഭൂപടത്തിന് ഒരു പതിറ്റാണ്ട് പ്രായം; സ്വീകരിച്ച മുന്‍കരുതല്‍ എന്തായിരുന്നു?

സംസ്ഥാനത്തെ ഡാമുകളിൽ ജലനിരപ്പ് ഉയരുന്നു. ഈ സാഹചര്യത്തിൽ ഡാമുകൾ തുറക്കാനുള്ള തീരുമാനത്തിലാണ് അധികൃതർ. ഇതിനകം സംസ്ഥാനത്തെ രണ്ട് അണക്കെട്ടുകൾ തുറന്നു. കക്കി, ഷോളയാർ ഡാമുകളാണ് തുറന്നത്. ഇടുക്കി, ഇടമലയാർ ഡാമുകൾ നാളെ തുറക്കാൻ തീരുമാനം. രണ്ടിടത്തും ഓറഞ്ച് അലർട്ട് പ്രഖ്യാപിച്ചു. ഇടമലയാർ രാവിലെ 6 മണിക്കും ഇടുക്കി 11 മണിക്കും തുറക്കും. പമ്പയുടെ കാര്യത്തിൽ ജില്ലാ ദുരന്ത നിവാരണ അതോറിറ്റി തീരുമാനമെടുക്കും

ഇടുക്കി, ഇടമലയാർ ഡാമുകൾ നാളെ തുറക്കാൻ തീരുമാനം. രണ്ടിടത്തും ഓറഞ്ച് അലർട്ട് പ്രഖ്യാപിച്ചു. ഇടമലയാർ രാവിലെ 6 മണിക്കും ഇടുക്കി 11 മണിക്കും തുറക്കും. പമ്പയുടെ കാര്യത്തിൽ ജില്ലാ ദുരന്ത നിവാരണ അതോറിറ്റി തീരുമാനമെടുക്കും. ഇടുക്കിയിൽ ഒക്ടോബറിലെ റെക്കോഡ് നിരൊഴുക്കാണെന്ന് അധികൃതർ അറിയിച്ചു

പൊന്നാനിയിൽ ഫൈബർ വള്ളം മറിഞ്ഞ് കടലിൽ കാണാതായ ഒരു മത്സ്യതൊഴിലാളിയുടെ മൃതദേഹം കണ്ടെത്തി. മരിച്ചയാളെ തിരിച്ചറിഞ്ഞിട്ടില്ല

Read More: വടക്കന്‍ കേരളത്തില്‍ മഴ കുറഞ്ഞു; മലമ്പുഴ, പോത്തുണ്ടി ഡാമുകളുടെ ഷട്ടറുകള്‍ താഴ്ത്തി, ജാഗ്രത തുടരുന്നു

ചിമ്മിനി ഡാമിൻ്റെ ഷട്ടറുകൾ 5 മണിക്ക് 13 സെന്റിമീറ്ററിൽ നിന്ന് 15 സെന്റിമീറ്ററായി ഉയർത്തി

തെന്മല അണക്കെട്ടിലെ ജലനിരപ്പ് 114.98 മീറ്ററായി കുറഞ്ഞു. തുറന്നുവെച്ച ഷട്ടറുകൾ 10 സെന്റീ മീറ്റർ കൂടി താഴ്ത്തി

അനപ്പാറ സ്വദേശി ബിനു (50) ഒഴുക്കിൽ പെട്ടെന്ന് സംശയം. തിരുവനന്തപുരം വിതുര കല്ലാറ്റിൽ പോലീസും ഫയർഫോഴ്സും തിരച്ചിൽ നടത്തുന്നു
 

ചാലക്കുടി പുഴയിലെ നിലവിലെ ജലനിരപ്പ് 4.71 മീറ്റർ. മുന്നറിയിപ്പ് വേണ്ടത് 7.1 മീറ്റർ ഉയരത്തിലേക്ക് ജലനിരപ്പ് എത്തിയാലാണ്. ഇവിടുത്തെ അപകടകരമായ ജലനിരപ്പ് 8.1 മീറ്ററുമാണ്.

തിരുവനന്തപുരം: മഴക്കെടുതി കാരണം എ പി ജെ അബ്ദുൽ കലാം സാങ്കേതിക സർവകലാശാല ഈ മാസം 20, 22 തീയതികളിൽ നടത്താനിരുന്ന രണ്ടാം സെമസ്റ്റർ പരീക്ഷകൾ മാറ്റി. പുതുക്കിയ തീയതി പിന്നീട് അറിയിക്കും. രണ്ടാം സെമസ്റ്റർ ബി ടെക്, ബി ആർക്, ബി എച് എം സി ടി, ബി ഡെസ് പരീക്ഷകളാണ് ഈ ദിവസങ്ങളിൽ നടത്താൻ തീരുമാനിച്ചിരുന്നത്.

പാലക്കാട് ജില്ലയില്‍ ഉച്ചതിരിഞ്ഞ് മഴ ശക്തമായി. നഗരത്തിലെ താഴ്ന്ന പ്രദേശങ്ങളില്‍ വെള്ളം കയറി. പാലക്കാട് ടൗണ്‍ റെയില്‍വേ സ്റ്റേഷൻ റോഡ് മുങ്ങി. പ്രിയദര്‍ശിനി റോഡ് അടച്ചു. മലയോര മേഖലയിലും മഴ തുടരുകയാണ്. പറമ്പിക്കുളത്തിനും തൂണിക്കടവിനും ഇടയില്‍ മണ്ണിടിഞ്ഞ് ഗതാഗതം തടസ്സപ്പെട്ടു. മണ്ണു നീക്കം ചെയ്യാനുള്ള ശ്രമം തുടരുകയാണ്. ജില്ലയിലെ എട്ടില്‍ ആറ് ഡാമുകളും തുറന്നു. ഭാരതപ്പുഴയില്‍ നീരൊഴുക്ക് കൂടി. മലമ്പുഴ അണക്കെട്ടിന്റെ വൃഷ്ടിപ്രദേശത്ത് മഴകുറവാണ്. ഇവിടെ തുറന്നുവിടുന്ന വെള്ളത്തിന്‍റെ അളവ് കുറച്ചിട്ടുണ്ട്. മഴ കനത്താല്‍ കൂടുതല്‍ ദുരിതാശ്വാസ ക്യാമ്പുകള്‍ തുറക്കാന്‍ മന്ത്രി കെ. കൃഷ്ണന്‍കുട്ടിയുടെ അധ്യക്ഷതയില്‍ ചേര്‍ന്ന ജനപ്രതിനിധികളുടെയും ഉദ്യോഗസ്ഥരുടെയും യോഗം തീരുമാനിച്ചു.

പറമ്പിക്കുളം റോഡിൽ പറമ്പിക്കുളത്തിനും തൂണക്കടവിനും ഇടയിൽ മണ്ണിടിഞ്ഞ് റോഡിൽ വീണതിനാൽ ഗതാഗതം തടസ്സപ്പെട്ടു

ഇടുക്കി അണക്കെട്ടിൽ വൈകീട്ട് ആറു മണിക്ക് റെഡ് അലർട് പ്രഖ്യാപിക്കും. നാളെ രാവിലെ അപ്പർ റൂൾ ലെവൽ ആയ 2398.86 അടിയിൽ ജലനിരപ്പ് എത്തും. ഇത് സംബന്ധിച്ച് ജനങ്ങൾക്ക് മുന്നറിപ്പ് നൽകാൻ ജില്ല കളക്ടർ നിർദേശിച്ചു

നാളെ ഇടുക്കി ഡാം തുറക്കാൻ തീരുമാനം. രാവിലെ 11 മണിക്ക് ഇടുക്കി ഡാം തുറക്കുമെന്ന് മന്ത്രി റോഷി അഗസ്റ്റിൻ അറിയിച്ചു

ചാലക്കുടിയില്‍ ജാഗ്രതാ നിര്‍ദ്ദേശം. പറമ്പിക്കുളത്ത് നിന്ന് ജലമൊഴുക്ക് കൂട്ടി. ഷോളയാര്‍, പെരിങ്ങല്‍ക്കൂത്ത് ഡാമുകളിലെ വെള്ളം ചാലക്കുടിയിലേക്ക്. വൈകിട്ട് നാലിനും ആറിനുമിടയില്‍ ചാലക്കുടി പുഴയില്‍ വെള്ളം ഉയരും.

ഇടമലയാര്‍ അണക്കെട്ടിന്‍റെ രണ്ട് ഷട്ടറുകള്‍ നാളെ തുറക്കും. രാവിലെ ആറുമണി മുതല്‍ ഷട്ടറുകള്‍ പരമാവധി 80 സെ.മീ ഉയര്‍ത്തും.

പമ്പയില്‍ 10 സെ.മീ മാത്രമേ ജലനിരപ്പ്  ഉയരുവെന്ന് പത്തനംതിട്ട കളക്ടര്‍.ദുരിതാശ്വാസ ക്യാമ്പുകള്‍ സജ്ജമെന്നും കളക്ടര്‍ പഞ്ഞു. 

ഷോളയാർ, പറമ്പിക്കുളം, ചിമ്മിണി ഡാം ഷട്ടറുകൾ തുറന്നതോടെ ചാലക്കുടി പുഴയിൽ ഒഴുക്ക് ശക്തിപ്പെടുകുയം ജലനിരപ്പ് കൂടുകയും ചെയ്തു. തീരത്തുള്ളവരെ മാറ്റിപാർപ്പിക്കുന്നു 

കക്കി ആനത്തോട് ഡാമിൻ്റെ ഷട്ടറുകൾ തുറന്നതിന് പിന്നാലെ അധികജലം പമ്പ ത്രിവേണിയിലേക്ക് എത്തി. ജലനിരപ്പിൽ വ്യത്യാസമുണ്ടെങ്കിലും ശക്തമായ ഒഴുക്ക് നിലവിൽ ത്രിവേണിയിൽ ഇല്ല 

കക്കി അണക്കെട്ട് തുറന്നു. പമ്പാ ത്രിവേണിയിൽ വെള്ളം എത്തി. ശക്തമായ ഒഴുക്ക് ഇല്ല. 

11 ജില്ലകളില്‍ വീണ്ടും മഴയ്ക്ക് സാധ്യത. പത്തനംതിട്ട,കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് മഴയ്ക്ക് സാധ്യത. കേരള, കര്‍ണാടക, തമിഴ്‍നാട്, ലക്ഷദ്വീപ് തീരങ്ങളില്‍ മുന്നറിയിപ്പ്.  മത്സ്യത്തൊഴിലാളികള്‍ക്കും തീരവാസികള്‍ക്കും ജാഗ്രതാ നിര്‍ദ്ദേശം.

തുലമാസ പൂജ കാലയളവില്‍ തീര്‍ത്ഥാടകര്‍ക്ക് ശബരിമലയില്‍ പ്രവേശനമില്ല. 20,21 തിയതികളില്‍ പ്രവേശനമില്ല.

20,21, 22 തീയതികളിൽ സംസ്ഥാനത്ത് പരക്കെ മഴയ്ക്ക് സാധ്യത. 20ന് 11 ജില്ലകളിലും 21ന് 12 ജില്ലകളിലും 22 ന് 13 ജില്ലകളിലും യെല്ലോ അലർട്ട് പ്രഖ്യാപിച്ചു.

ചിമ്മിനി ഡാമിന്റെ ഷട്ടറുകൾ കൂടുതൽ ഉയർത്താൻ സാധ്യത. മുന്നറിയിപ്പ് നിരപ്പിന് മുകളിൽ ജലനിരപ്പ് നിൽക്കുന്ന കുറുമാലി, കരുവന്നൂർ പുഴകളിലെ ജലനിരപ്പ് ഇനിയും ഉയരും. പുഴയോരങ്ങളിൽ അതീവ ജാഗ്രതാ നിർദേശമാണ് ഉള്ളത്.

പശ്ചിമഘട്ടം സംരക്ഷിച്ചില്ലെങ്കിൽ ദുരന്തങ്ങൾ കാണേണ്ടിവരുമെന്ന് താൻ മുന്നറിയിപ്പ് നൽകി. ആ റിപ്പോർട്ട് എല്ലാവരും ചേർന്ന് അട്ടിമറിച്ചു. കേന്ദ്ര-സംസ്ഥാന സർക്കാറുകളുടെ ലക്ഷ്യം രാഷ്ട്രീയനേട്ടം മാത്രമാണ്. റിപ്പോർട്ട് നടപ്പിലാക്കാൻ ആർക്കും ആർജ്ജവം ഉണ്ടായിരുന്നില്ലെന്നും മാധവ് ഗാഡ്‍ഗിൽ  വിമര്‍ശിച്ചു.