hospital fined by authority : കൊവിഡ് ചികിത്സക്ക് അധികപണം വാങ്ങിയ ആശുപത്രിക്ക് പത്തിരട്ടി തുക പിഴ ചുമത്തി
Synopsis
hospital fined by authority :അധികമയി ഈടാക്കിയ തുകയുടെ പത്ത് മടങ്ങ് തുക പിഴ ചുമത്തുന്നതയി ജില്ലാ മെഡിക്കല് ഓഫീസര്. സംസ്ഥാന മനുഷ്യാവകാശ കമ്മീഷന് അധ്യക്ഷന് ജസ്റ്റിസ് ആന്റണി ഡൊമിനിക്കിന്റെ ഉത്തരവിന്റെ അടിസ്ഥാനത്തിലാണ് നടപടി.
തിരുവനന്തപുരം: കൊവിഡ് സെല്ലില് (Covid cell) നിന്നും സ്വകാര്യാശുപത്രിയിലേക്ക് (Private hospital) റഫര് ചെയ്ത രോഗിയില് നിന്നും നിയമവിരുദ്ധമായി 1,42,708 രൂപ ഈടാക്കിയ ആശുപത്രിക്ക് അധികമയി ഈടാക്കിയ തുകയുടെ പത്ത് മടങ്ങ് തുക പിഴ ചുമത്തുന്നതയി ജില്ലാ മെഡിക്കല് ഓഫീസര് (Medical officer). സംസ്ഥാന മനുഷ്യാവകാശ കമ്മീഷന് അധ്യക്ഷന് ജസ്റ്റിസ് ആന്റണി ഡൊമിനിക്കിന്റെ (Huma right Commissioner Antony Dominic) ഉത്തരവിന്റെ അടിസ്ഥാനത്തിലാണ് നടപടി. നിയമ നടപടി സ്വീകരിക്കാതിരിക്കാന് മതിയായ കാരണമുണ്ടെങ്കില് 15 ദിവസത്തിനകം അറിയിക്കാന് സ്വകാര്യാശുപത്രിക്ക് നോട്ടീസ് നല്കിയിട്ടുണ്ടെന്നും ജില്ലാ മെഡിക്കല് ഓഫീസര് പറഞ്ഞു. ജില്ലാ കളക്ടറേറ്റില് നിന്നും റഫര് ചെയ്യുന്ന രോഗിയില് നിന്നും എംപാനല്ഡ് ആശുപത്രികള് ചികിത്സാചെലവ് ഈടാക്കാന് പാടില്ലെന്നാണ് വ്യവസ്ഥ. എന്നാല് 6 ദിവസത്തെ ചികിത്സക്ക് പോത്തന്കോട് ശുശ്രുത ആശുപത്രി 1,42 708 രൂപ ഈടാക്കി.
വട്ടിയൂര്ക്കാവ് മണ്ണറക്കോണം സ്വദേശി ബി എച്ച് ഭുവനേന്ദ്രനെയാണ് 2021 മേയ് 12 മുതല് 6 ദിവസം ചികിത്സിച്ചത്. മകന് ആനന്ദാണ് കമ്മീഷനില് പരാതി നല്കിയത്. 142708 രൂപയില് 58695 രൂപ ഇന്ഷുറന്സില് നിന്നും ഈടാക്കി. 84013 രൂപ രോഗിയില് നിന്നും ഈടാക്കി. ആശുപത്രിയെ എംപാനല് ചെയ്യാന് മെയ് 14 നാണ് തങ്ങള് അപേക്ഷ നല്കിയതെന്നും മേയ് 21 ന് മാത്രമാണ് എംപാനല് ചെയ്ത് കിട്ടിയതെന്നും ആശുപത്രി അധികൃതര് അറിയിച്ചു. എംപാനല് ചെയ്ത് കിട്ടുന്നതിന് മുമ്പ് സര്ക്കാര് നിര്ദ്ദേശപ്രകാരം പ്രവേശിക്കപ്പെട്ട രോഗിക്ക് ചികിത്സാ സൗജന്യം നല്കാനാവില്ലെന്നാണ് ആശുപത്രി നിലപാടെടുത്തത്. പി പി ഇ കിറ്റിന് 20675 രൂപയും എന് 95 മാസ്ക്കിന് 1950 രൂപയും ഈടാക്കിയിരുന്നു. ഇത് സര്ക്കാര് ഉത്തരവിന്റെ ലംഘനമാണെന്ന് ഡിഎംഒ അറിയിച്ചു.
ഇന്ന് 2010 പുതിയ രോഗികൾ, 7 മരണം; ആകെ കൊവിഡ് മരണം 65,333
തിരുവനന്തപുരം: കേരളത്തില് 2010 പേര്ക്ക് കൊവിഡ്-19 (Covid 19) സ്ഥിരീകരിച്ചു തിരുവനന്തപുരം 332, എറണാകുളം 324, കോട്ടയം 194, കോഴിക്കോട് 186, കൊല്ലം 152, തൃശൂര് 135, പത്തനംതിട്ട 120, ആലപ്പുഴ 113, ഇടുക്കി 111, കണ്ണൂര് 89, മലപ്പുറം 81, പാലക്കാട് 77, വയനാട് 63, കാസര്ഗോഡ് 33 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 29,545 സാമ്പിളുകളാണ് പരിശോധിച്ചത്.
സംസ്ഥാനത്തെ വിവിധ ജില്ലകളിലായി 99,446 പേരാണ് ഇപ്പോള് നിരീക്ഷണത്തിലുള്ളത്. ഇവരില് 97,454 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 1992 പേര് ആശുപത്രികളിലും നിരീക്ഷണത്തിലാണ്. 544 പേരെയാണ് പുതുതായി ആശുപത്രിയില് പ്രവേശിപ്പിച്ചത്.
നിലവില് 26,560 കൊവിഡ് കേസുകളില്, 7.7 ശതമാനം വ്യക്തികള് മാത്രമാണ് ആശുപത്രി/ഫീല്ഡ് ആശുപത്രികളില് പ്രവേശിപ്പിക്കപ്പെട്ടിട്ടുള്ളത്.
കഴിഞ്ഞ 24 മണിക്കൂറിനിടെ 7 മരണങ്ങളാണ് കൊവിഡ്-19 മൂലമാണെന്ന് സ്ഥിരീകരിച്ചത്. ഇതുകൂടാതെ മുന് ദിവസങ്ങളില് മരണപ്പെടുകയും എന്നാല് രേഖകള് വൈകി ലഭിച്ചത് കൊണ്ടുള്ള 42 മരണങ്ങളും സുപ്രീം കോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 61 മരണങ്ങളും റിപ്പോര്ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 65,333 ആയി.
ഇന്ന് രോഗം സ്ഥിരീകരിച്ചവരില് 7 പേര് സംസ്ഥാനത്തിന് പുറത്ത് നിന്നും വന്നവരാണ്. 1892 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 89 പേരുടെ സമ്പര്ക്ക ഉറവിടം വ്യക്തമല്ല. 22 ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 5283 പേര് രോഗമുക്തി നേടി. തിരുവനന്തപുരം 517, കൊല്ലം 835, പത്തനംതിട്ട 206, ആലപ്പുഴ 392, കോട്ടയം 427, ഇടുക്കി 444, എറണാകുളം 718, തൃശൂര് 462, പാലക്കാട് 230, മലപ്പുറം 228, കോഴിക്കോട് 351, വയനാട് 295, കണ്ണൂര് 90, കാസര്ഗോഡ് 88 എന്നിങ്ങനേയാണ് രോഗമുക്തിയായത്. ഇതോടെ 26,560 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 64,06,519 പേര് ഇതുവരെ കോവിഡില് നിന്നും മുക്തി നേടി.