'ബാലഗോകുലത്തിന് പരീക്ഷ നടത്താൻ അനുമതി ഇല്ലെങ്കിൽ ആരും നടത്തേണ്ട'; സർക്കാറിന് മുന്നറിയിപ്പുമായി സുരേന്ദ്രൻ

Published : Nov 17, 2026, 03:29 PM IST
K Surendran

Synopsis

അഴിമതിയിലും മറ്റ് കേസുകളിലും സംസ്ഥാന സർക്കാരിനെതിരെ രൂക്ഷവിമർശനവുമായി ബിജെപി നേതാവ് കെ. സുരേന്ദ്രൻ രംഗത്ത്. ബാലഗോകുലത്തിന്റെ മയിൽ‌പീലി പരീക്ഷയ്ക്ക് അനുമതി നിഷേധിച്ചതിനെ അദ്ദേഹം ശക്തമായി അപലപിച്ചു. മറ്റ് സംഘടനകൾക്ക് അനുമതി നൽകുമ്പോൾ ബാലഗോകുലത്തോട് മാത്രം വിവേചനം കാണിക്കുന്നുവെന്ന് അദ്ദേഹം ആരോപിച്ചു.

തിരുവനന്തപുരം: അഴിമതിയുടെ കാര്യത്തിൽ പിണറായിയുടെ പാത മുഖ്യമന്ത്രി വി ഡി സതീശൻ പിന്തുടരുകയാണെന്ന് ബിജെപി നേതാവ് കെ. സുരേന്ദ്രൻ. മാധ്യമപ്രവർത്തകരോട് സംസാരിക്കുകയായിരുന്നു സുരേന്ദ്രൻ. ആറ് മാസം കൊണ്ട് അഴിമതിക്ക് സതീശൻ സർക്കാർ പേരെടുത്തു. വൈദ്യുതി കൊള്ള സതീശന്റെ നേതൃത്വത്തിൽ നടക്കുന്നു. പിണറായിയുടെ കേസുകളിൽ സതീശൻ ഒത്തു തീർപ്പ് ഉണ്ടാക്കി. ശബരിമല ഒരുക്കങ്ങളിൽ സർക്കാരിന് വൻ പാളിച്ചകൾ. സ്വർണ്ണ കൊള്ള കേസ് പാതിവഴിയിൽ കിടക്കുന്നു. എസ്എഫ്ഐഒ കേസിൽ സർക്കാർ പിണറായിക്കും കുടുംബത്തിനും പിന്തുണ നൽകുന്നു. മസാല ബോണ്ട്‌ വഴി 10000 കോടി രൂപ കടമെടുത്ത് കേരളത്തിലെ ജനങ്ങളെ പണയം വെച്ചു. മയിൽ‌പീലി പരീക്ഷ നടത്താൻ അനുമതി നിഷേധിച്ച സംഭവത്തിലും സുരേന്ദ്രൻ വിമർശനമുന്നയിച്ചു.

ബാലഗോകുലം വർഗീയ പ്രസ്ഥാനമാണോയെന്നും അദ്ദേഹം ചോദിച്ചു. ബാലഗോകുലത്തിന് പരീക്ഷ നടത്താൻ അനുമതി ഇല്ലെങ്കിൽ ആരും നടത്തേണ്ട. പരീക്ഷ റദ്ദാക്കിയ സംഭവത്തിൽ പ്രതിഷേധങ്ങൾ ഉണ്ടാകും. മറ്റു സംഘടനകൾക്ക് എല്ലാ അനുമതിയും നൽകുന്നു. സർക്കാർ ആദ്യം അനുമതി നൽകി. ജില്ലാതല പരീക്ഷകൾ നടക്കുന്നതിനിടെയാണ് സർക്കാരിന്റെ ഭാഗത്തുനിന്നുള്ള അനീതി. ഒരുകാലത്തും വർഗീയത പ്രചരിപ്പിച്ചിട്ടില്ലാത്ത ബാലഗോകുലത്തിന് ഭ്രഷ്ട്ട് കൽപ്പിക്കുന്നു. ജമാഅത്തെ ഇസ്ലാമിക്കും, മുസ്ലിം ലീഗിനും പരീക്ഷ അനുമതി നൽകുന്നുണ്ടെങ്കിൽ ബാലഗോകുലത്തിനും നൽകണം. രാജ്യദ്രോഹികൾക്കും ഭീകരവാദ സംഘടനകൾക്കും വേണ്ടി കുട്ടികളെ വേർതിരിച്ചു കാണുകയാണ് സർക്കാർ. സർവശിക്ഷ അഭിയാനിൽ നിയമനങ്ങൾ നടത്തുന്നത് അനധികൃതമായി. മുസ്ലിംലീഗിന്റെയും ജമാഅത്തെ ഇസ്ലാമിയുടെയും ആളുകളെ ജോലിയിൽ പ്രവേശിപ്പിക്കുന്നു. എല്ലാത്തിലും അന്വേഷണം നടത്തണമെന്നും അദ്ദേഹം ആവശ്യപ്പെട്ടു.

PREV

കേരളത്തിലെ എല്ലാ വാർത്തകൾ Kerala News അറിയാൻ  എപ്പോഴും ഏഷ്യാനെറ്റ് ന്യൂസ് വാർത്തകൾ.  Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

Read more Articles on
click me!

Recommended Stories

ശബരിമലയിൽ പ്രതിസന്ധി സൃഷ്ടിക്കാൻ ക്ഷുദ്രശക്തികളുടെ ശ്രമം, ഭക്ഷണത്തിൽ പോലും വിഷം ചേർക്കാൻ മടിക്കാത്തവരുണ്ടെന്ന് ദേവസ്വം മന്ത്രി; 'ജാഗ്രത പുലർത്തും'
യുഡിഎഫ് സർക്കാരിന്റെ 2 വൈദ്യുതി കരാറുകളിൽ കോടികളുടെ അഴിമതിയെന്ന് സിപിഎം, ജുഡീഷ്യൽ അന്വേഷണം വേണമെന്നും ആവശ്യം