മുഖ്യമന്ത്രി പിണറായി വിജയൻ ഒരു നിമിഷം പോലും അധികാരത്തിൽ തുടരരുതെന്ന് കെ.സുധാകരൻ എംപി പ്രതികരിച്ചു. വികസനത്തിൻ്റെ പേരിൽ സംസ്ഥാനത്ത് നടക്കുന്നത് വൻ കൊള്ളയാണെന്നും അദ്ദേഹം ആരോപിച്ചു.
തിരുവനന്തപുരം: മുൻ പ്രിൻസിപ്പൽ സെക്രട്ടറി എം ശിവശങ്കർ സ്വർണ്ണക്കടത്തു കേസിൽ കസ്റ്റഡിയിലായ സാഹചര്യത്തിൽ മുഖ്യമന്ത്രി പിണറായി വിജയൻ ഒരു നിമിഷം പോലും അധികാരത്തിൽ തുടരരുതെന്ന് കെ.സുധാകരൻ എംപി പ്രതികരിച്ചു. വികസനത്തിൻ്റെ പേരിൽ സംസ്ഥാനത്ത് നടക്കുന്നത് വൻ കൊള്ളയാണെന്നും അദ്ദേഹം ആരോപിച്ചു.
കെ എം ഷാജി എംഎൽഎക്കെതിരെ കേസ് എടുത്തത് മുഖ്യമന്ത്രിക്കെതിരായ പ്രസംഗം കാരണമാണ്. ജീവൻ കൊടുത്തും ഷാജിയെ സംരക്ഷിക്കും. ഇ ഡി അന്വേഷണം ആവശ്യമുള്ള ഒരു പരാതിയും ഷാജിക്കെതിരെ ഉണ്ടായിരുന്നില്ല എന്നും സുധാകരൻ പറഞ്ഞു.