സംസ്ഥാനത്ത് ബിവറേജുകള് പൂട്ടാത്തത് ഗുരുതര വീഴ്ച, 24 മണിക്കൂറിനുള്ളില് പൂട്ടണമെന്ന് കെ. സുരേന്ദ്രന്
Synopsis
കൊവിഡ് റിപ്പോര്ട്ട് ചെയ്തിട്ടുള്ള ജില്ലകള് അടച്ചിടാനുള്ള കേന്ദ്രനിര്ദ്ദേശം അടിയന്തിരമായി നടപ്പാക്കണമെന്ന് സുരേന്ദ്രന് ആവശ്യപ്പെട്ടു.
തിരുവനന്തപുരം: കൊവിഡ്-19 സാമൂഹ്യവ്യാപനത്തിന്റെ തലത്തിലേക്ക് വളരുന്ന സാഹചര്യത്തില് കേന്ദ്ര നിര്ദ്ദേശങ്ങള് അടിയന്തിരമായി നടപ്പാക്കാന് സംസ്ഥാന സര്ക്കാര് തയ്യാറാവണമെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന്. കൊവിഡ് റിപ്പോര്ട്ട് ചെയ്തിട്ടുള്ള ജില്ലകള് അടച്ചിടാനുള്ള കേന്ദ്രനിര്ദ്ദേശം അടിയന്തിരമായി നടപ്പാക്കണമെന്ന് സുരേന്ദ്രന് വാര്ത്താക്കുറിപ്പില് ആവശ്യപ്പെട്ടു.
ഇക്കാര്യത്തില് അമാന്തം കാണിച്ചാല് ഗുരുതരമായ ഭവിഷ്യത്തുകളുണ്ടാവും. കാര്യങ്ങള് അതീവഗുരുതരമായിട്ടും ബിവറേജസ് ഔട്ട്ലെറ്റുകള് അടയ്ക്കാത്തത് ഗുരുതരമായ വീഴ്ചയാണ്. 24 മണിക്കൂറിനുള്ളില് ബിവറേജസ് ഔട്ട്ലെറ്റുകള് പൂട്ടണമെന്നും കെ സുരേന്ദ്രന് ആവശ്യപ്പെട്ടു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam