ബെംഗളുരുവിലെ മലയാളി ബിസിനസുകാരനെ മൈസുരുവിൽ കൊള്ളയടിച്ചു; വെള്ള ഇക്കോസ്പോർട് കാറും ഒന്നര ലക്ഷം രൂപയും കവർന്നു

ബെംഗളുരുവിൽ ബിസിനസ്സുകാരനായ സൂഫിയെന്ന മലയാളിയെ മൈസുരുവിൽ പട്ടാപ്പകൽ കൊള്ളയടിച്ചു

മൈസുരു: മൈസുരുവിൽ മലയാളി ബിസിനസ്സുകാരനെ പട്ടാപ്പകൽ നടുറോഡിൽ കൊള്ളയടിച്ചു. മൈസുരുവിലെ ഹാരോഹള്ളിയിലുള്ള ജയപുരയിൽ ഇന്ന് രാവിലെയാണ് സംഭവം. ബെംഗളുരുവിൽ ബിസിനസ്സുകാരനായ സൂഫിയെന്ന മലയാളിയെയാണ് കൊള്ളയടിച്ചത്. ഇയാളുടെ വണ്ടിയും ഒന്നരലക്ഷം രൂപയുമായി കൊള്ളസംഘം കടന്നുകളഞ്ഞു. കർണാടകയിൽ പലയിടങ്ങളിലായി നടന്ന എടിഎം, ബാങ്ക് കൊള്ളകൾക്ക് പിന്നാലെയാണ് ഇത്തരമൊരു മോഷണം. വയനാട് അടക്കം ചെക്ക് പോസ്റ്റുകളിലും ഹൈവേകളിലും വണ്ടിക്കും മോഷ്ടാക്കൾക്കുമായി തെരച്ചിൽ ഊർജിതമാക്കി. വെള്ള ഫോർഡ് എക്കോസ്‍പോർട്ട് കാറിനായി തെരച്ചിൽ തുടർന്ന് പൊലീസ്. വയനാട് എസ്‍പി അടക്കം അതിർത്തി ജില്ലാ പൊലീസ് മേധാവിമാരുടെ സംഘം വാഹനത്തിനായുള്ള തെരച്ചിൽ ഏകോപിപ്പിക്കുന്നുണ്ട്.