സംസ്ഥാനത്ത് തിങ്കളാഴ്ച മുതല് അങ്കൺവാടികള് തുറന്ന് പ്രവര്ത്തിക്കും
Synopsis
അങ്കണവാടി ജീവനക്കാരും അവരെ കൊണ്ടുവിടുന്ന രക്ഷിതാക്കളും കര്ശനമായ മാര്ഗനിര്ദേശങ്ങള് പാലിക്കണം
തിരുവനന്തപുരം: സംസ്ഥാനത്തെ അങ്കണവാടികള് ഫെബ്രുവരി 14 തിങ്കളാഴ്ച മുതല് തുറന്ന് പ്രവര്ത്തിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഒന്ന് മുതല് 9 വരെയുള്ള ക്ലാസുകള്, ക്രഷുകള്, കിന്ഡര് ഗാര്ഡന് ക്ലാസുകള് തുടങ്ങിയവ തിങ്കളാഴ്ച മുതല് ഓഫ് ലൈനായി പ്രവര്ത്തിക്കുകയാണ്. അതിനോടൊപ്പം അങ്കണവാടികളും തുറക്കാന് വനിത ശിശു വികസന വകുപ്പ് തീരുമാനമെടുക്കുകയായിരുന്നു.
അങ്കണവാടികള് തുടര്ച്ചയായി അടച്ചിടുന്നത് കുട്ടികളുടെ മാനസികവും ശാരീരികവുമായ വളര്ച്ചയ്ക്ക് ദോഷം ചെയ്യുമെന്നാണ് വിലയിരുത്തൽ. അങ്കണവാടികള് തുറന്ന് കഴിഞ്ഞാല് കുട്ടികള്ക്ക് നല്കേണ്ട പോഷകാഹാരങ്ങള് കൃത്യമായി നല്കാനും സാധിക്കും. ചെറിയ കുട്ടികളായതിനാല് അങ്കണവാടി ജീവനക്കാരും അവരെ കൊണ്ടുവിടുന്ന രക്ഷിതാക്കളും കര്ശനമായ മാര്ഗനിര്ദേശങ്ങള് പാലിക്കേണ്ടതാണെന്നും മന്ത്രി അഭ്യര്ത്ഥിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam