കുട്ടികള്ക്കെതിരായ ലൈംഗിക അതിക്രമങ്ങള് തടയാന് കേരള പൊലീസിന്റെ 'മാലാഖ'
Synopsis
കുട്ടികള്ക്കെതിരായ അതിക്രമം തടയാന് പുതിയ പദ്ധതിയുമായി കേരളാ പൊലീസ്.
തിരുവനന്തപുരം: കുട്ടികള്ക്കെതിരായ അതിക്രമം തടയാന് പുതിയ പദ്ധതിയുമായി കേരളാ പൊലീസ്. രണ്ടര മാസം നീളുന്ന ഈ പദ്ധതിയിലൂടെ കുട്ടികളുടെ സുരക്ഷയുമായി അടുത്ത ബന്ധം പുലര്ത്തുന്ന രക്ഷകര്ത്താക്കള്, അധ്യാപകര്, ബന്ധുക്കള്, പോലീസുദ്യോഗസ്ഥര്, ഡോക്ടര്മാര്, ആരോഗ്യ മേഖലയിലെ ജീവനക്കാര്, മാധ്യമപ്രവര്ത്തകര് എന്നിവര്ക്ക് ബോധവല്ക്കരണം നല്കാന് ലക്ഷ്യം വച്ചാണ് പദ്ധതിയൊരുങ്ങുന്നത്.
അതത് ജില്ലകളിലെ പോലീസ് മേധാവിമാര്ക്കാണ് പരിപാടികളുടെ മേല്നോട്ട ചുമതല.കുട്ടികള്ക്കുനേരെയുണ്ടാകുന്ന അതിക്രമങ്ങള്ക്കെതിരെ സന്ദേശങ്ങള് പതിപ്പിച്ച 'വാവ എക്സ്പ്രസ്' എന്ന പേരിലുളള പ്രചരണ വാഹനം സംസ്ഥാനമൊട്ടാകെ യാത്ര ചെയ്ത് ബോധവല്ക്കരണം നടത്തും. ഇതിനുപുറമെ സംസ്ഥാനത്തൊട്ടാകെ ഒപ്പുശേഖരണ പരിപാടി, ഘോഷയാത്രകള്, സാംസ്കാരിക പരിപാടികള്, നാടകങ്ങള്, തെരുവു നാടകങ്ങള്, മണല് ചിത്രരചന, ചലച്ചിത്ര ടെലിവിഷന് താരങ്ങളെ പങ്കെടുപ്പിച്ച് നടത്തുന്ന പൊതുപരിപാടികളും നടത്തും.
ഇതിനു പുറമെ പോലീസ് ബാന്റ്/കുതിര പോലീസ് എന്നീ വിഭാഗങ്ങളെ പങ്കെടുപ്പിച്ചുകൊണ്ടുളള പൊതുപരിപാടികള്, പൊലീസിലെ കലാകാരന്മാര് അവതരിപ്പിക്കുന്ന പൊതുജന അവബോധ പരിപാടികള്, സ്റ്റുഡന്റ് പൊലീസ് കേഡറ്റുകളെ ഉള്പ്പെടുത്തിക്കൊണ്ടുളള ഘോഷയാത്രകള്, അംഗന്വാടി ടീച്ചര്മാര്, ആശാ വര്ക്കര്മാര്, കുടുംബശ്രീ, ജനശ്രീ പ്രവര്ത്തകര്, സന്നദ്ധസംഘടനാ പ്രവര്ത്തകര് എന്നിവരെ ഉള്പ്പെടുത്തിക്കൊണ്ടുളള പൊതുപരിപാടികള് എന്നിവ നടക്കും.
പ്രതിജ്ഞ, കൂട്ടയോട്ടം, മെഴുകുതിരി ജാഥ എന്നിവയിലൂടെ പരമാവധി ജനങ്ങളിലേക്ക് കുട്ടികള്ക്കെതിരെയുളള കുറ്റകൃത്യങ്ങള് തടയുന്നതിന് ആവശ്യമായ അവബോധം നല്കും. പൊലിസിന്റെ ജനമൈത്രി ബീറ്റ് ഓഫീസര്മാര് വഴി വീടുവീടാന്തരം ഇത്തരം അവബോധ സന്ദേശങ്ങള് എത്തിക്കും. ബീറ്റ് ഓഫീസര്മാര് വഴി പൊതുജനങ്ങളില് നിന്നുളള പ്രതികരണം ലഭ്യമാക്കാന് ശ്രമിക്കുമെന്നും കേരള പൊലീസ് ഔദ്യോഗിക പേജില് പങ്കുവച്ച് കുറിപ്പില് പറയുന്നു.
കുറിപ്പിങ്ങനെ...
❤❤ മാലാഖ ❤❤
കുട്ടികള്ക്കെതിരെ ഉണ്ടാകുന്ന ലൈംഗിക അതിക്രമങ്ങള് തടയാൻ കേരള പൊലീസിന്റെ പുതിയ പദ്ധതി.
രണ്ടര മാസം നീളുന്ന ഈ പദ്ധതിയിലൂടെ കുട്ടികളുടെ സുരക്ഷയുമായി അടുത്ത ബന്ധം പുലര്ത്തുന്ന രക്ഷകര്ത്താക്കള്, അധ്യാപകര്, ബന്ധുക്കള്, പോലീസുദ്യോഗസ്ഥര്, ഡോക്ടര്മാര്, ആരോഗ്യ മേഖലയിലെ ജീവനക്കാര്, മാധ്യമപ്രവര്ത്തകര് എന്നിവര്ക്ക് ബോധവല്ക്കരണം നല്കാനാണ് ഉദ്ദേശിക്കുന്നത്.അതത് ജില്ലകളിലെ പോലീസ് മേധാവിമാര്ക്കാണ് പരിപാടികളുടെ മേല്നോട്ട ചുമതല.കുട്ടികള്ക്കുനേരെയുണ്ടാകുന്ന അതിക്രമങ്ങള്ക്കെതിരെ സന്ദേശങ്ങള് പതിപ്പിച്ച 'വാവ എക്സ്പ്രസ്' എന്ന പേരിലുളള പ്രചരണ വാഹനം സംസ്ഥാനമൊട്ടാകെ യാത്ര ചെയ്ത് ബോധവല്ക്കരണം നടത്തും.
ഇതിനുപുറമെ സംസ്ഥാനത്തൊട്ടാകെ ഒപ്പുശേഖരണ പരിപാടി, ഘോഷയാത്രകള്, സാംസ്കാരിക പരിപാടികള്, നാടകങ്ങള്, തെരുവു നാടകങ്ങള്, മണല് ചിത്രരചന, ചലച്ചിത്ര ടെലിവിഷന് താരങ്ങളെ പങ്കെടുപ്പിച്ച് നടത്തുന്ന പൊതുപരിപാടികള്, പോലീസ് ബാന്റ്/കുതിര പോലീസ് എന്നീ വിഭാഗങ്ങളെ പങ്കെടുപ്പിച്ചുകൊണ്ടുളള പൊതുപരിപാടികള്, പോലീസിലെ കലാകാരന്മാര് അവതരിപ്പിക്കുന്ന പൊതുജന അവബോധ പരിപാടികള്, സ്റ്റുഡന്റ് പോലീസ് കേഡറ്റുകളെ ഉള്പ്പെടുത്തിക്കൊണ്ടുളള ഘോഷയാത്രകള്, അംഗന്വാടി ടീച്ചര്മാര്, ആശാ വര്ക്കര്മാര്, കുടുംബശ്രീ, ജനശ്രീ പ്രവര്ത്തകര്, സന്നദ്ധസംഘടനാ പ്രവര്ത്തകര് എന്നിവരെ ഉള്പ്പെടുത്തിക്കൊണ്ടുളള പൊതുപരിപാടികള് എന്നിവ നടക്കും. പ്രതിജ്ഞ, കൂട്ടയോട്ടം, മെഴുകുതിരി ജാഥ എന്നിവയിലൂടെ പരമാവധി ജനങ്ങളിലേക്ക് കുട്ടികള്ക്കെതിരെയുളള കുറ്റകൃത്യങ്ങള് തടയുന്നതിന് ആവശ്യമായ അവബോധം നല്കും.
പോലീസിന്റെ ജനമൈത്രി ബീറ്റ് ഓഫീസര്മാര് വഴി വീടുവീടാന്തരം ഇത്തരം അവബോധ സന്ദേശങ്ങള് എത്തിക്കും. ബീറ്റ് ഓഫീസര്മാര് വഴി പൊതുജനങ്ങളില് നിന്നുളള പ്രതികരണം ലഭ്യമാക്കാനും ശ്രമിക്കും.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam