'മാധവ് ഗാഡ്ഗിൽ റിപ്പോർട്ടിനെ അർഹിക്കുന്ന ഗൗരവത്തോടെ കേരളം കാണണം'; ചർച്ചകൾ നിരുത്സാഹപ്പെടുത്തരുതെന്ന് സിപിഐ
Synopsis
ഗാഡ്ഗിൽ റിപ്പോർട്ടിനെ അർഹിക്കുന്ന ഗൗരവത്തോടെ കേരളം കാണണം. അനധികൃതമായ നിരവധി നിർമ്മാണ പ്രവർത്തികൾ നടക്കുന്നുണ്ടെന്നും ഒരു ദാക്ഷിണവും കൂടാതെ നടപടി വേണമെന്നും ബിനോയ് വിശ്വം
കൽപ്പറ്റ: വയനാട് ഉരുൾപൊട്ടലിന് പിന്നാലെ ഉണ്ടായ മാധവ് ഗാഡ്ഗിൽ റിപ്പോർട്ടിനെ കുറിച്ചുള്ള ചർച്ചകൾ നിരുത്സാഹപ്പെടുത്തരുതെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. മാധവ് ഗാഡ്ഗിൽ അപരാധി അല്ല. ഗാഡ്ഗിൽ റിപ്പോർട്ട് ജനാധിപത്യപരമാണ്. ഗാഡ്ഗിൽ റിപ്പോർട്ടിനെ അർഹിക്കുന്ന ഗൗരവത്തോടെ കേരളം കാണണം. അനധികൃതമായ നിരവധി നിർമ്മാണ പ്രവർത്തികൾ നടക്കുന്നുണ്ടെന്നും ഒരു ദാക്ഷിണവും കൂടാതെ നടപടി വേണമെന്നും ബിനോയ് വിശ്വം വയനാട്ടില് ഏഷ്യാനെറ്റ് ന്യൂസിനോട് പറഞ്ഞു.
അതിശക്തമായ മഴ അടക്കം ഉരുള്പൊട്ടല് ദുരന്തത്തിന് സ്വാഭാവിക കാരണങ്ങള് ഉണ്ടാകാമെങ്കിലും മനുഷ്യന്റെ പ്രവര്ത്തികള് കാരണം ദുരന്തസാധ്യത വര്ധിക്കുകയാണെന്ന് പരിസ്ഥിതി പ്രവര്ത്തകൻ മാധവ് ഗാഡ്ഗില് പറഞ്ഞിരുന്നു. ഗാഡ്ഗില് റിപ്പോര്ട്ട് ഉടൻ നടപ്പാക്കേണ്ടതാണെന്നും തന്റെ കണ്ടെത്തലുകളില് ഉറച്ചുനില്ക്കുന്നുവെന്നും ആനക്കാംപൊയില്-കള്ളാടി-മേപ്പാടി തുരങ്കപാതയുടെ നിര്മ്മാണവും ഉരുള്പൊട്ടല് പോലെയുള്ള സമാന പ്രത്യാഘാതങ്ങള്ക്ക് ഇടയാക്കുമെന്നും മാധവ് ഗാഡ്ഗില് ഏഷ്യാനെറ്റ് ന്യൂസിനോട് പറഞ്ഞു.
അതിശക്തമായ മഴ അടക്കം ഉരുള്പൊട്ടൽ ദുരന്തത്തിന് സ്വാഭാവിക കാരണങ്ങള് ഉണ്ടാകാം. എന്നാല്, മനുഷ്യന്റെ പ്രവര്ത്തികള് കാരണം ദുരന്തസാധ്യത വര്ധിക്കുകയാണ്. സംസ്ഥാനത്ത് നിരവധി ക്വാറികള് പ്രവര്ത്തിക്കുന്നു. പലതിനും പിന്നില് രാഷ്ട്രീയ ബന്ധങ്ങളുണ്ട്. സംസ്ഥാനത്തെ 85 ശതമാനം ക്വാറികളും അനധികൃതമെന്ന് സര്ക്കാര് തന്നെ വ്യക്തമാക്കിയിട്ടുണ്ട്. ഇതിനുപിന്നിലെ അഴിമതി അവസാനിപ്പിച്ച് കൃത്യമായ മാനദണ്ഡങ്ങള് ഉറപ്പുവരുത്തണം. ദുരിതം അനുഭവിക്കുന്നവര് മാത്രമാണ് ഇപ്പോള് സംഘടിക്കുന്നത്. പരിസ്ഥിതി ദുര്ബല പ്രദേശങ്ങളില് നിയന്ത്രണം അനിവാര്യമാണ്.
റിസോര്ട്ട് ടൂറിസവും വികസനവുമൊക്കെ നിയന്ത്രണത്തിന് തടസമില്ലാതെ നടപ്പാക്കാവുന്നതാണ്. പ്രാദേശിക തൊഴില് സാധ്യത വര്ധിപ്പിച്ചുള്ള ഇത്തരം ഉദാഹരണങ്ങള് സിക്കിമ്മില് അടക്കമുണ്ട്. പക്ഷേ ഇവിടെ ടൂറിസം മേഖല സമ്പന്നര്ക്ക് വേണ്ടി മാത്രമുള്ളതാണ്. ആനക്കാംപൊയിൽ-മേപ്പാടി തുരങ്കപാത വരുന്നതും ഇപ്പോള് ഉരുള്പൊട്ടലുണ്ടായ മലയ്ക്കിടയിലൂടെയാണ്. തുരങ്ക നിര്മ്മാണവും സമാന പ്രത്യാഘാതം ഉണ്ടാക്കുമെന്നതില് സംശയമില്ലെന്നും അദ്ദേഹം ഏഷ്യാനെറ്റ് ന്യൂസിനോട് പറഞ്ഞിരുന്നു.
'പേഴ്സണൽ ലോണും സ്വര്ണ പണയവും അടക്കം എല്ലാ വായ്പകൾക്കും മോറട്ടോറിയം'; നിർദേശവുമായി ബാങ്കിംഗ് വിദഗ്ധൻ
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam