മരണത്തിലെ ദുരൂഹകള് ഇന്ന് ലഭിക്കുന്ന പ്രാഥമിക പരിശോധന റിപ്പോര്ട്ടിലൂടെ വ്യക്തമാകുമെന്നാണ് അന്വേഷണസംഘത്തിന്റെ പ്രതീക്ഷ. ഇന്ക്വസ്റ്റ് നടപടികളില് കുട്ടിയുടെ ശരീരത്തില് ബലപ്രയോഗത്തിന്റെ ലക്ഷണങ്ങളൊന്നുമില്ലെന്ന് വ്യക്തമായിരുന്നു.
തിരുവനന്തപുരം: കൊല്ലത്ത് ദുരൂഹസാഹചര്യത്തില് ആറ്റില് മരിച്ച നിലയില് കണ്ടെത്തിയ ആറുവയസുകാരി ദേവനന്ദയുടെ പോസ്റ്റുമോര്ട്ടം നടപടികള് ആരംഭിച്ചു. തിരുവന്തപുരം മെഡിക്കല് കോളേജിലാണ് പോസ്റ്റുമോര്ട്ടം നടപടികള് പുരോഗമിക്കുന്നത്. മരണത്തിലെ ദുരൂഹകള് ഇന്ന് ലഭിക്കുന്ന പ്രാഥമിക പരിശോധന റിപ്പോര്ട്ടിലൂടെ വ്യക്തമാകുമെന്നാണ് അന്വേഷണസംഘത്തിന്റെ പ്രതീക്ഷ. ഇന്ക്വസ്റ്റ് നടപടികളില് കുട്ടിയുടെ ശരീരത്തില് ബലപ്രയോഗത്തിന്റെ ലക്ഷണങ്ങളൊന്നുമില്ലെന്ന് വ്യക്തമായിരുന്നു. വെള്ളം കുടിച്ചാണോ മരണം സംഭവിച്ചതെന്ന് പ്രാഥമിക പോസ്റ്റുമോര്ട്ടം റിപ്പോര്ട്ടില് വ്യക്തമാകും. മുതിര്ന്ന ഫോറന്സിക് സര്ജന്മാര് ഉള്പ്പെടുന്ന ഒരു സംഘമാണ് പോസ്റ്റുമോര്ട്ടം നടപടികള് നടത്തുന്നത്. ഒന്നരമണിക്കൂറോളം നീണ്ടു നില്ക്കുമെന്നാണ് അറിയുന്നത്.
കാത്തിരിപ്പ് വിഫലം; കൊല്ലത്ത് കാണാതായ ദേവനന്ദയുടെ മൃതദേഹം കണ്ടെത്തി
കുട്ടിയുടെ മൃതദേഹത്തില് മുറിവുകളോ ചതവുകളോ ഇല്ലെന്നാണ് ഇന്ക്വസ്റ്റ് റിപ്പോര്ട്ട്. ബലപ്രയോഗത്തിന്റെ ലക്ഷണങ്ങള് മൃതദേഹത്തില് ഇല്ലെന്ന് പ്രാഥമിക പരിശോധനയില് വ്യക്തമാണ് എന്നാല് പോസ്റ്റുമോർട്ടം റിപ്പോർട്ടിന് ശേഷമേ ഇക്കാര്യത്തില് വ്യക്തത വരുത്താനാകു. വസ്ത്രങ്ങളെല്ലാം മൃതദേഹത്തില് ഉണ്ടായിരുന്നുവെന്നും ഇന്ക്വസ്റ്റ് റിപ്പോര്ട്ടിലുണ്ട്. വീട്ടിൽ കളിക്കുന്നതിനിടെ ഇന്നലെ രാവിലെയാണ് കുട്ടിയെ കാണാതായത്. ഏറെ നേരത്തെ തിരച്ചിലിനൊടുവില് മുങ്ങൽ വിദഗ്ധരാണ് ദേവനന്ദയുടെ മൃതദേഹം ആറ്റിൽ മൃതദേഹം കണ്ടെത്തിയത്. കമഴ്ന്ന് കിടക്കുന്ന രീതിയിലായിരുന്നു കുട്ടിയുടെ മൃതദേഹം. കുട്ടിയെ കാണാതായ സമയത്ത് ധരിച്ചിരുന്ന വസ്ത്രങ്ങളാണ് പുഴയില് നിന്ന് ലഭിച്ച മൃതദേഹത്തിലുള്ളത്.
'ബലപ്രയോഗത്തിന്റെ ലക്ഷണങ്ങളില്ല'; ദേവനന്ദയുടെ ഇന്ക്വസ്റ്റ് റിപ്പോര്ട്ട് പുറത്ത്